Utsikt frå dagsturhytta i Høyanger

(Foto: Høyanger kommune)

Høyanger: Synkenhytta

Dagstuhytta i Høyanger kommune heiter Synkenhytta og ligg på Høyangerfjellet.

Tilkomst og parkering

Vinter og sommar: parkeringsplass ved Siplo.

Sommar: på «Flyplassen» ved Bergsvatn og ved Synkenhytta (avgrensa plassar der).

Stien til hytta

Køyrbar grusveg langs Bergsvatn (regulert vatn) inn til Synken der hytta ligg, lett terreng å gå i. Universell tilkomst. Det er mogleg å bygge på turen ved å gå via Toppenhytta og følgje sti derifrå og ned til Synken (relativt lang tur, men i fint terreng, nokre få område med litt bratte parti).

Trakka skiløype om vinteren som følgjer grusvegen. Lett skiterreng, men litt stigning heilt i begynnelsen av turen.

Fin padletur frå parkeringsplass til hytta dersom fulle magasin i vatna (regulerte vatn).

Avstandar

Om vinteren er det om lag 7 km trakka løype frå parkeringsplass ved Siplo og inn til hytta. Frå «Flyplassen» er det om lag 5 km å gå langs grusveg (kortaste rute).

 

Del dette:

Tips ein ven Skriv ut