Foto frå garden Sinjarheim i Aurlandsdalen. Vi ser fleire av bygningane på garden og fleire personar som går rundt på og et nista si på området.
Foto frå garden Sinjarheim i Aurlandsdalen. Vi ser fleire av bygningane på garden og fleire personar som går rundt på og et nista si på området.

Kristin Sønnerheim var gift med Kåre Sønnerheim, som var den siste som var fødd på garden Sinjarheim i Aurlandsdalen. Saman gjorde dei ein stor innsats for å leggje dalen til rette for dei som ønskjer å oppleve han. (Foto: Arild Finne Nybø/www.flickr.com)

Fylkeskulturprisen 2017 til Kristin Sønnerheim

Kristin Sønnerheim går under kallenamnet Mor Aurlandsdalen. I over 50 år har ho stelt og rydda stien gjennom dalen med handemakt. No får ho fylkeskulturprisen for innsatsen sin.

Sønnerheim er 85 år og vart tidlegare i år attvald som leiar i Venner av Aurlandsdalen. Stiftinga har som mål å fremje interessa for og halde ved like og utvikle dalen.

Avgjerande innsats

– Innsatsen til Kristin Sønnerheim har vore avgjerande for å gjere Aurlandsdalen tilgjengeleg for ålmenta. Vandrerutene i dalen blir no brukte av hundrevis av menneske kvart år, og vi ønskjer å heidre Sønnerheim for å ha bidrege til dette, seier leiar for hovudutval for næring og kultur, Karen Marie Hjelmeseter.

Engasjementet for Aurlandsdalen starta Sønnerheim saman med ektemannen Kåre (1921–2006), som var den siste som vart fødd på garden Sinjarheim i dalen. Saman rydda dei stiar, la ut bruer og formidla historie. Sønnerheim har også engasjert seg sterkt i å ta vare på gamle gardar og stølshus og har vore talskvinne for å ta vare på kulturverdiar som bygningane representerer.

For meir informasjon

Karen Marie Hjelmeseter
leiar av hovudutval for næring og kultur
karen.marie.hjelmeseter@sfj.no
918 47 736

Del dette:

Relaterte lenker

Fylkesdirektør

Jan Heggheim

Jan Heggheim

fylkesdirektør for næring og kultur

jan.heggheim@sfj.no
905 66 623

 

Ingebjørg Erikstad 

assisterande fylkesdirektør for næring og kultur

ingebjorg.erikstad@sfj.no
415 30 941

Tilsette

Ansvarleg eining

Sogn og Fjordane fylkeskommune
post@sfj.no
57 63 80 00