Alle lærlingar i fylket er i månadsskiftet inviterte til samlingar i Sogn, Nordfjord og Sunnfjord. I regi av Den kulturelle skulesekken (DKS) vil dei også få ein konsert med rockemusikaren Askil Holm.

Kommunal- og regionaldepartementet (KRD) har lyst ut 32 millionar kroner til prosjekt som kan skape bulyst. Departementet prioriterer i år prosjekt som går på inkludering av innvandrarar i distriktsområda, utviklingprosjekt retta mot ungdom og tilflyttingsprosjekt.

Nasjonalt breibandråd er invitert til å kome med innspel til ny stortingsmelding om distriktsutvikling. Det er viktig at så mange som mogleg av fylkeskommunane bidreg for å få mangfald i innspela. Rådet hadde konstituerande møte 18. januar.

Vi inviterer til presentasjon av Næringsbarometeret for Sogn og Fjordane. Næringsbarometeret syner næringsliv og offentleg sektor sine forventningar til det komande året. Næringsbarometeret er eit samarbeid mellom Sogn og Fjordane fylkeskommune, Innovasjon Norge, NAV og NHO. Næringsbarometeret byggjer på bedriftsundersøkingar

Når fylket først skulle få si første kvinne som fylkesordførar, må det kunne seiast at vi fekk ei dame med ein spennande profil. 152 centimeter på strømpelesten plasserer henne i klasse med Elisabeth Taylor, Brenda Lee og Dolly Parton når det gjeld høgde over havet. Klatreruta hennar til topps i politikken gjekk utanfor dei hevdvunne rutene.

Forskar Parmita Saha og kollegane hennar ved Vestlandsforsking og på Høgskulen i Sogn og Fjordane jaktar svar på kva utfordringar og barrierer nylisensierte kraftprodusentar møter i oppstartsfasen. Bak satsinga ligg eit ønskje om å utvikle gode strategiar for ei effektiv utbygging av meir fornybar energi.

Måndag 6. februar er det tid for årets Nordfjordkonferanse på Gloppen Hotell. På programmet står blant anna vidaregåande opplæring, prosjektet Eit kunnskapsbasert Sogn og Fjordane og rekruttering.

Finansminister Sigbjørn Johnsen inviterte måndag 23. januar ungdom frå heile landet til å diskutere korleis Noreg skal vere i framtida. Frå Sogn og Fjordane deltok Benjamin Hellesen Heimset, Vilde Tøfte Øvstetun og Ingrid Øien i Ungdomspolitisk utval (UPU).

Kontrollutvalet har møte i Storehagen Atrium i Førde 30. januar. Møtet startar kl. 10.00. Sakene er no klare og tilgjengelege på nett.

Romjulsstormen gjorde skade for nær ein million på fylkeskommunale eigedomar. Det gjekk hardast utover ein parkeringsplass ved Fylkeshuset og på skog og skogsvegar ved Mo og Jølster vidaregåande skule.