Det er møte i fylkesutvalet onsdag 8. februar. Møtet er på Rica Sunnfjord Hotel i Førde og startar klokka 14.00. Sakene er klare og tilgjengelege på nett.

Den norske ambassaden i Seoul og Bratt Moro samarbeider i vinter om å promotere Noreg og Sogn. På undergrunnen i Seoul blir det i månadane framover vist bilete frå vinterlandskap og vintersport.

Gloppen Hotell gjekk heilt til topps då den mest innovative reiselivsverksemda i Sogn og Fjordane vart kåra. Prisen på 50 000 kroner frå Sparebanken Vest vart delt ut på reiselivskonferansen «Fjordane frå bre til hav» i Loen fredag 3. februar.

Møteboka for kontrollutvalsmøtet 30. januar er no tilgjengeleg under politiske saker.

På 1950-talet gjekk bergensarane i demonstrasjonstog for å rive Bryggen. I dag er Bryggen ein stor turistmagnet, står på verdsarvlista og er ein viktig del av den lokale identiteten. Kvifor er det så vanskeleg å få auge på desse verdiane? spør fylkeskonservator Eva Moberg på Kulturbloggen.

Det vil verte kring 150 nye arbeidsplassar i bygg- og anleggsnæringa i Sogn og Fjordane i år. Det syner berekningar frå Næringsbarometeret. Samstundes har nesten alle verksemdene vanskar med å rekruttere fagarbeidarar. Næringsbarometeret vert presentert i Førde fredag 10. februar.

Reiselivskonferansen 2012 går av stabelen på Hotel Alexandra i Loen 2. og 3. februar. Fylkesdirektør for næring, Jan Heggheim, ønskte velkomen til konferansen med å utfordre næringa til å samarbeid betre og spesialisere seg meir.

Øyrane vidaregåande skule har hatt konditor- og bakedag saman med Naustdal dampbakeri. Førsteårselevane på restaurant- og matfaglina fekk brynt seg på marsipan, sjokolade og gjærdeigar.

Fylkestingsgruppa til Sp tok i dag opp spørsmålet om det var gjort ein teljefeil i samband med møtet i fylkestinget 31. januar. Spørsmålet gjeld avrøystinga om framlegget frå Sp m.fl. om nytt punkt 6 om vidareføring av E39 frå Lote via Kvivsvegen til Volda. Sekretariatet for fylkestinget har gått gjennom videomateriale som viser den aktuelle avrøystinga.

Kulturavdelinga i Sogn og Fjordane fylkeskommune lyser ut arkeologisk feltarbeid for tida 16. april–19. oktober 2012. Søknadsfrist er 10. februar.