Hilde Bjørkum tek i mot fylkeskulturprisen 2015 frå leiar av hovudutval for kultur og næring Karen Marie Hjelmeseter (t.h.) og fylkesordførar Jenny Følling (t.v.).
Hilde Bjørkum tek i mot fylkeskulturprisen 2015 frå leiar av hovudutval for kultur og næring Karen Marie Hjelmeseter (t.h.) og fylkesordførar Jenny Følling (t.v.).

Hilde Bjørkum tek i mot fylkeskulturprisen 2015 frå leiar av hovudutval for kultur og næring Karen Marie Hjelmeseter (t.h.) og fylkesordførar Jenny Følling (t.v.). Foto: Matias Helgheim/Sogn og Fjordane fylkeskommune

– Skapar møteplassar

Hilde Bjørkum fekk tysdag utdelt fylkeskulturprisen og mange gode ord for å ha bygd opp «den tydelegaste kulturelle merkevaren i Sogn og Fjordane».

Fylkeskulturprisen 2015 vart utdelt på fylkestinget 8. desember, og festivalsjef Hilde Bjørkum heidra for hennar arbeid med Førde internasjonale folkemusikkfestival. Prisen vart overrekt av fylkesordførar Jenny Følling.

Global og lokal

– Hilde Bjørkum har heile tida satsa på kvalitet, sa leiar av hovudutval for kultur og næring Karen Marie Hjelmeseter i si tale til prisvinnaren.

Hjelmesetar rosa Bjørkum for at ein på Førdefestivalen finn både verdas beste og unge og lovande utøvarar frå fylket på dei mange festivalscenene. Slik har ein løfta fram og utvikla nye stjerner.

Festivalen har sidan starten i 1989 etablert seg blant toppen av verdsmusikkfestivalane i Europa.

– Det er Hilde å takke for at så skjer, sa Hjelmeseter.

Aktuell

Spesielt aktuelt i desse dagar er festivalen si evne til å gi oss forståing for likskaper og ulikskaper mellom land og kulturar.

 – Festivalen er meir aktuell enn nokon sinne, fordi den skaper møteplassar gjennom musikk og dans.

Mange verv

Bjørkum har nasjonale og internasjonale verv innan musikk og festival-feltet, og er president for European Forum of Worldwide Music Festivals. I tillegg er ho framleis aktiv i folkemusikkmiljøet i fylket.

 – Eg er stolt og rørt. Det har vore ei lang reise over 25 år, sa Bjørkum då ho mottok prisen.

Juryen gjer ho og Førdefestivalen ekstra skryt for å setje Sogn og Fjordane på kartet nasjonalt og internasjonalt. Prisen er ein diplom og ein sum på 50 000 kroner.

Kontaktperson:

Karen Marie Hjelmeseter

leiar, hovudutval for næring og kultur

karen.marie.hjelmeseter@sfj.no

918 47 736

 

Del dette:

Tips ein ven Skriv ut

Fylkesdirektør

Jan Heggheim

Jan Heggheim

fylkesdirektør for næring og kultur

jan.heggheim@sfj.no
905 66 623

 

Ingebjørg Erikstad 

assisterande fylkesdirektør for næring og kultur

ingebjorg.erikstad@sfj.no
415 30 941

Tilsette

Ansvarleg eining

Sogn og Fjordane fylkeskommune
post@sfj.no
57 63 80 00