På denne nettsida skal du kunne finna den informasjonen du treng om klimagassutslepp og klimatilpassingar i Sogn og Fjordane. Klimanettsida er del av det regionale samarbeidet om oppfølging av fylkesdelplan for klima og miljø.

Flaum, skred og avlingsskade som følgje av mykje nedbør er eksempel på utfordringar som kommunane i aukande grad må forholda seg til. Endringar i vêrforhold og klima påverkar mange områder av samfunna våre og fylkeskommunen ynskjer no å invitera kommunane i fylket til ein analysedugnad for å analysera den lokale klimasårbarheita og utvikla lokale klimatilpassingsstrategiar.

Sogn og Fjordane fylkeskommune arrangerer klimaseminar torsdag 5. mai. Alle kommunane i fylket er inviterte, og tema for seminaret er korleis ein kan redusere utslepp og tilpasse seg klimaendringar.

For at ei verksemd i ein kommune kan bli miljøfyrtårnsertifisert må kommunen sjølv vera medlem i Stiftelsen Miljøfyrtårn si ordning.

26. – 27. oktober 2010 held Vestlandsforsking, Flora kommune, Fylkesmannen i Sogn og Fjordane og Sogn og Fjordane fylkeskommune ein internasjonal konferanse om klimatilpassing i Florø.

Kommuneorganisasjonane i Noreg, Sverige og Finland arrangerer, saman med Nordisk Ministerråd, ein konkurranse om å finna dei beste praktiske klimaløysingane.