Fylkesbiblioteket og folkebiblioteka i Sogn og Fjordane har lagt ut på dagsturhytteturné! Eid og Gloppen var først ut med framsyning av «Gilgamesh – kongen som nekta å døy» av og med Rolf Losnegård.

Ytringsfridom – vilkår og grenser er tema på Førdekonferansen torsdag 5. juli. 

Måndag 25. juni reiser 24 ungdommar frå fylket til UKM-festivalen i Trondheim.

Laurdag 9. juni var det markering av fredinga av Storehuset frå Eldalen som no står på Flatheim i Gaular kommune.

9. juni kl 15 vert fredinga av Storehuset på Flatheim markert med ope hus, omvising, enkel servering og helsingar. Alle er velkomne til markeringa.

Regional plan for kultur 2019–2027 er no lagt ut på høyring. Les høyringsutkastet og send oss ditt innspel her.

Regional plan for kultur er no lagt ut på høyring. Fristen for å kome med innspel er 1. september 2018.

Opningseglasen for den nye, nasjonale pilegrimsleia frå Egersund til Trondheim legg innom Florø og Kinn. Laurdag 16. juni vert opninga av leia markert av fylkesordføraren.

Kulturfestivalen for utviklingshemma rundar 30 år. Laurdag 26. mai feira festivalen jubileet med konsert på Elvetorget i Førde.

Fylkeskommunen har fått tildelt 100 000 kroner frå Kartverket til å kartleggje tilgjengelegheit og universell utforming av sentrumsnære turvegar i 11 kommunar i fylket.

Over 150 møtte opp til den offisielle opninga av Eikjabu på Ytre Eikum, den første dagsturhytta ved sjøen.

Fredag førre veke kunngjorde Kulturdepartementet fordelinga av spelemidlar til idrettsføremål. Sogn og Fjordane får nesten 60 millionar kroner, ein auke på over 10 prosent frå i fjor.

3300 Sunnfjord-elevar fekk oppleve litt av det store mangfaldet i Den kulturelle skulesekken på festivalen SPETAKKEL 2018 i slutten av april.

Hovudutval for næring og kultur bed Riksantikvaren om å støtte vedlikehald av Kinn kyrkje og dei andre steinkyrkjene frå mellomalderen.

Lars Grinde, Roald Lunde og Jon Erling Oppedal får Kulturlandskapsprisen 2018 for deira arbeid med landbruk og skjøtsel i det nasjonalt utvalde kulturlandskapet Grinde–Engjasete.

300 ungdommar frå heile fylket har denne helga fylt Høyanger med liv og røre på UKM-festivalen Sogn og Fjordane 2018.

Korleis turnere med kunst og kultur på bygda? Dette er temaet for EU-prosjektet Rural Touring, med aktørar frå seks land. Denne veka var representantar frå prosjektet i Sogn og Fjordane.

I helga er det endeleg tid for årets UKM-festival for Sogn og Fjordane.

Anders Honningdal vart den store vinnaren i kortfilmkonkurransen på Sogndal filmfestival 2018. Arrangementet vart avvikla med gallakveld i Sogndal kulturhus torsdag kveld.

UKM-festival Sogn og Fjordane vert arrangert i Høyanger 13.–15. april. 230 ungdommar frå heile fylket skal vise kva dei kan, knyte kontaktar og få inspirasjon gjennom ei heil helg.

Medielinja på Sogndal vgs skipar til filmfestivalen for trettande gong 5.–6. april.

Fredag 25. mai er det tid for å stoppe opp, ta turen til Scandic Sunnfjord Hotel og få med seg konferansen Møteplass kultur, musikk og fritid. (OBS: Avlyst)

Hovudutval for næring og kultur har fordelt over sju millionar kroner til ulike prosjekt for å setje i stand freda og fredingsverdige bygningar i Sogn og Fjordane. Sjå kva bygningar som får tilskot.

Tema for Kulturkonferansen 2018 var Kulturelle ressursar i kommunane. Begge dagane var fylt av gode historiar, og døme frå kommunane. Det var også  gode diskusjonar og refleksjonar om kva gode kulturelle ressursar er eller kan vera, frivilligheit og kulturell og kreativ næring. Her er smakebitar frå konferansen, både i form av presentasjonar frå innlegga og bilete. 

Fredinga av Storehuset på Flatheim i Gaular skulle markerast laurdag 3. mars, men er no avlyst på grunn av sjukdom. Det blir markering seinare i år.

Kulturkonferansen 2018 vert arrangert 7. og 8. mars på Scandic Sunnfjord Hotel i Førde. Tema i år er kulturelle ressursar i kommunane, frivilligheit og kulturell og kreativ næring.

Tida er inne for å søkje dei fylkeskommunale kulturmidlane, kunstnarstipend og folkehelsemidlane. Vi lyser samstundes ut midlane i den desentraliserte ordninga for tilskot til kulturbygg.

UKM-festivalen Sogn og Fjordane er det største årlege UKM-arrangementet i fylket. No er vi på jakt etter ny arrangør for 2019-festivalen.

Innbyggarane i Sogn og Fjordane er dei flittigaste lånarane av barnebøker i landet. Det syner tal frå Statistisk sentralbyrå.

Kommunar, lag og organisasjonar i Sogn og Fjordane har dei siste åra for alvor fått opp augo for spelemiddelordninga. I år søkjer vi om 242 millionar kroner, dobbelt så mykje som for fire år sidan.

Kulturfestivalen i Sogn og Fjordane har i 30 år vore ein unik og inkluderande kulturfestival for alle som likar musikk og moro. I mai inviterer vi til ny festival – og jubileum.

Sjumilsstegsarbeidet skal legge til rette for at barn og unge blir tekne vare på frå helsestasjon til fullført utdanning. Den årlege sjumilsstegskonferansen vert i år arrangert 14. og 15. mars i på Hotel Alexandra i Loen.

Tredjeklassingane ved medium og kommunikasjon ved Sogndal vidaregåande skule inviterer til filmfestival igjen i april og lokkar med YouTubar og komikar Maria Stavang som føredragshaldar.

På nyåret inviterer Sogn og Fjordane fylkeskommune til gratis konferansar om Den kulturelle spaserstokken i både Sogndal og Førde. Her vert det lagt opp til både inspirasjon og dialog om vegen vidare for spaserstokken her i fylket.

Er du mellom 13 og 20 år og ønskjer å delta i UKM? No kan du melde deg på UKM 2018!

Ønskjer du å kome med innspel til den nye kulturmeldinga, som Kulturdepartementet har starta arbeidet med? 17. januar 2018 arrangerer fylkeskommunen og departementet eit regionalt innspelsmøte i Førde.

Den første dagsturhytta i fylket vart opna med hytteboogie, då Good Time Charlie spelte opp til opningskonsert i Trivselsskogen på Sandane.

Kristin Sønnerheim har lagt ned mykje arbeid for å gjere Aurlandsdalen tilgjengeleg for ålmenta. I ein alder av 85 år får ho fylkeskulturprisen som takk for innsatsen.

Sogn og Fjordane fylkeskommune blir medlem i POLYFON – kunnskapsklynge for musikkterapi. Målet er å gjere Vestlandet til ein nasjonal og internasjonal føregangsregion innan temaet.

Den 5. og 6. april arrangerer medie- og kommunikasjon på Sogndal vidaregåande skule kortfilmfestivalen Sogndal Filmfestival for 13. gong på rad.

Kristin Sønnerheim går under kallenamnet Mor Aurlandsdalen. I over 50 år har ho stelt og rydda stien gjennom dalen med handemakt. No får ho fylkeskulturprisen for innsatsen sin.

Jenny Hatlelid Holsæter leiar Ungdommens ressursgruppe (URG), som jobbar med å få fleire ungdomar i Sogn og Fjordane med på UKM – Ung kultur møtest.

Hovudutval for næring og kultur fordeler 21. november 1,75 millionar kroner i spelemidlar til idrettsanlegg rundt om i fylket.

Fylkeskommunen arrangerte 26. og 27. oktober ei samling for dei i kommunane som jobbar med UKM og ungdomsråd. Tema var mellom anna ungdomsdemokrati og ungdomsmedverknad. Her finn du presentasjonane frå samlinga.

Fylkeskommunen går i desse dagar gjennom kva idrettsanlegg i fylket som skal prioriterast for spelemidlar fram til 2023.

Eigarar av kulturminne i verdsarvområdet Vestnorsk fjordlandskap – delområde Nærøyfjorden kan no søkje om tilskot til istandsetjing av kulturminna sine.

Hovudutval for næring og kultur avgjer 21. november kven som får fylkeskulturprisen for 2017. Innstillingsnemnda har no innstilt tre kandidatar.

26 like dagsturhytter skal på plass i Sogn og Fjordane i løpet av dette året og neste. Fem vert monterte i haust, og 8. desember opnar den første – i Trivselsskogen på Sandane.

Det var kome inn 15 forslag til årets fylkeskulturpris, då fristen for å føreslå kandidatar gjekk ut 1. november.

«Hordaland og Sogn og Fjordane blir eitt. Eit kvarttusen år sidan sist. I soga er hundreåra små.» Slik helsa Fridtjov Urdal dei 88 fylkestingsrepresentantane frå dei to fylka, då dei markerte samanslåinga på tingstaden Gulatinget.

Den kulturelle skulesekken (DKS) skal vise dokumentaren «Den norske islamisten» for førsteklassingane på dei vidaregåande skulane i fylket. Turneen startar i slutten av oktober.

Fire kunstnarar frå fylket har fått stipend frå Sogn og Fjordane fylkeskommune i 2017. Stipenda er fordelt på tre arbeidsstipend og eit stipend til unge kunstnarar i etableringsfasen.

Det vert gode døme frå fleire kommunar på konferansen om Den kulturelle spaserstokken i Måløy 2. november. I tillegg vert det debatt for å drøfte kva vi vil med ordninga.

Redaktør Ola Svein Stugu og alle forfattarane av «Soga om Sogn og Fjordane» heldt historietime for fylkestinget då dei presenterte fylkessoga og overrekte ho til fylkestinget.

Nesten sju år har gått sidan fylkestinget slo fast at det skulle skrivast ei fylkessoge. No er verket i fire band klar for lansering rundt om i fylket.

Sogn og Fjordane fylkesbibliotek presenterer og delar erfaringar frå prosjektet «Lesarhistoria – ny veg til lesaren» i Oslo 9. november.

Laura Kvamme er valt som ny styreleiar for Musea i Sogn og Fjordane. Torbjørn Vereide er samstundes valt inn som nytt styremedlem.

Kjenner du nokon som fortener ekstra merksemd for kulturinnsatsen sin, som du rett og slett meiner burde få fylkeskulturprisen 2017?

Sogn og Fjordane fylkeskommune har starta fredingssak for Hotell Mundal i Fjærland.

Planprogram for regional plan for kultur er lagt ut på høyring. Fristen for å kome med innspel og merknader er 1. desember 2017.

Det var vegfest i Lærdal og Vang 29. september. Då var det avduking av plakett for og feiring av europeisk pris til Kongevegen og ikkje minst opning av ny delstrekning på E16 over Filefjellet.

Kva er skule for deg? Fylkeskommunen og fylkesarkivet inviterer til fotokonkurranse med månadlege premiar og ein hovudpremie på 3000 kr.

Hovudutval for næring og kultur skal i møtet 26. september peike ut fylkeskommunen sin representant i styringsgruppa for prosjektet «K1 Høyanger – ein spektakulær attraksjon i hjartet av Norge».

Konferansen «Felles barn, felles ansvar» i Førde sist veke vart åstad for signeringa av viktige avtalar om kultur for barn og unge.

Felles barn, felles ansvar heiter konferansen som går av stabelen i Førde 14. og 15. september. Her skal tilsette i kommunane dele erfaringar om og få inspirasjon til arbeid med kultur for, av og med barn og unge.

No kan du finne organisasjonseigde hus i Sogn og Fjordane på Fylkesatlas. Kartbasen vert open og tilgjengeleg for alle.

Årets idrettsanleggskonferanse vert på Skei 18. oktober. Tema er utvikling og drift av idrettsanlegg – og ikkje minst korleis vi kan tenkjer nytt om dette i framtida.

Om lag 100 personar fann vegen til kunstnarbustaden Heimdalstrand søndag 10. september for å delta på fredingsmarkeringa. Dei fekk sjå det restaurerte huset og høyre historia knytt til det.

Alle kommunane i fylket var inviterte på fagsamling om fysisk aktivitet og kulturbygg tysdag 29. august. Tema var hovudsakleg spelemidlar, dagsturhytte-prosjektet, samt synfaringar hjå nybygde idrettsanlegg.

Det vert markering av fredinga av eigedomen Heimdalstrand i Balestrand søndag 10. september. Arrangementet er ope for dei som har lyst å delta.

Fylkeskommunen invitere alle kommunane som har delteke i prosjektet «Lokale kulturminneplanar» til samling i Førde onsdag 6. og torsdag 7. september.

Metallsøking fører til funn av mange arkeologiske gjenstandar som er viktige for forsking, formidling og forvaltning. No er det kome ein nasjonal rettleiar for privat bruk av metallsøkar.

Den kulturelle skulesekken er i år pakka med eit stort utval engasjerande og varierte opplevingar. Det blir mellom anna kubanske rytmar, samisk verdsmusikk, nynorsk thrillerteater, tidsreiser og museumsbesøk.

Nettverket Miljøbehandling i eldreomsorga inviterer til fagdag på Skei i Jølster 27. september. Musikk er hovudtema, og deltakarane kan velje mellom to ulike seminar.

Sogn og Fjordane fylkeskommune har for første gong laga ein eigen festivalstrategi, som prioriterer seks festivalar i fylket.

Den digitale teknologiutviklinga og bruk av sosiale medieplattformar gjer at fylkesarkivet sitt kjeldemateriale når ut til brukarar rundt om i heile verda. Fylkesarkivet vel å legge ut mykje materiale fritt tilgjengeleg på nett, og legg på den måten til rette for bruk og deling langt ut over fylkesgrensene.  

Sogn og Fjordane er det ellevte beste kulturfylket i landet, ifølgje Norsk kulturindeks 2016. Blant kommunane i fylket kjem Gloppen best ut. Kva kjenneteiknar eigentleg gode kulturkommunar?

Klatreanlegg som ønskjer å etablere Via Ferrata kan no søkje tilskot frå spelemiddelordninga. Det er klart etter at Kulturdepartementet har oppdatert føresegnene for ordninga.

Norges verdensarv arrangerte årets verdsarvforum i Hammerfest 12.–14. juni. Der deltok representantar frå begge verdsarvområda i Sogn og Fjordane.

20 ungdomar frå Sogn og Fjordane reiser onsdag 21. juni til UKM-festivalen i Sandnes.

Spelemidlane til Sogn og Fjordane er fordelte, og Gaular toppar lista over flest kroner per innbyggjar. I den andre enden av skalaen finn vi Selje, som ikkje søkte om tilskot i år.

Fylkesdirektør for næring og kultur, Jan Heggheim, diskuterer måling av kultur og kulturinnsats på kulturbloggen denne veka.

Kronikk av fylkesdirektør for næring og kultur, Jan Heggheim.

To masterstudentar frå Universitetet i Bergen har i fire veker vore i praksis hjå nærings- og kulturavdelinga i Sogn og Fjordane fylkeskommune. Dei har mellom anna vore med å arrangere musikk-kafé i Florø, i samarbeid med den kommunale tiltakstenesta innan rus og psykiatri. 

Kva med eit anlegg som er tilrettelagt for boksing, buldring og bordtennis – samstundes?

Kongevegen over Filefjell fekk Grand Prix-prisen frå fagjuryen og andreplass i publikumsprisen under European Heritage Awards Ceremony i Finland 15. mai.

Verdsarvrådet for Urnes stavkyrkje og tilhøyrande område arbeider blant anna med å etablere eit verdsarvsenter på Ornes.

Sogn og Fjordane fylkeskommune har lyst ut anbod om bygging, frakt og montering av dagsturhytter i alle kommunane i fylket.

Regjeringa har løyvd 53 266 000 kroner av spelemidlane til Sogn og Fjordane. Det er meir enn ei dobling frå 2012.

Fylkesbiblioteket har fått støtte frå Nasjonalbiblioteket til prosjektet Nynorske turbibliotek i Sogn og Fjordane. Biblioteka skal inn i dagsturhyttene som skal byggast i alle kommunane våre.

24. april arrangerte Høgskulen på Vestlandet og Sogn og Fjordane fylkeskommune konferanse om musikkterapi, rus og psykisk helse. Konferansen hadde 136 deltakarar. Her er ei oversikt over presentasjonane og ei oppsummering frå dagen. 

Sylvarnes får prisen for arbeidet sitt med landbruk og skjøtsel på den veglause garden Sylvarnes i Vik kommune.

Høgskulen på Vestlandet og Sogn og Fjordane fylkeskommune inviterer til konferanse om musikkterapi, rus og psykisk helse måndag 24. april i Førde. På programmet finn du sentrale forelesarar innan fagfeltet.

Kongevegen over Filefjell har fått EUs kulturminnepris/Europa Nostra-pris i kategorien Bevaring.

UKM-festivalen Sogn og Fjordane 2017 er over. 300 ungdommar frå heile fylket har fylt Høyanger med liv og røre frå start til slutt.

UKM Norge deler i år ut Turboprisen til Sogndal, Leikanger og Luster for det gode arbeidet dei gjorde då dei arrangerte felles UKM-mønstring i februar.

Gruppa A thousand pandas frå Bremanger, dansaren Jeanne Nsabimbona frå Vik og konferansier Solveig Djupegot frå Gloppen i Høyanger er blant dei du møter i Høyanger i helga. Då er det nemleg tid for årets UKM-festival for Sogn og Fjordane.

Fylkeskommunen skal no undersøkje kor tilgjengelege skianlegga i Luster, Sogndal, på Eid og Jølster er for personar med funksjonsnedsetting.

To dagar, 20 innleiarar og over 90 deltakarar. Kulturkonferansen 2017 har gitt mange gode diskusjonar og refleksjonar rundt kultur og kulturpolitikk i reformtider. Her er nokre smakebitar frå konferansen.

Lærdal næringsutvikling i samarbeid med Hardanger kunstlag ønsker å sende kunstarar i Sogn og Fjordane på kunstnaropphald i Berlin. Søknadsfrist for opphald i perioden juli - august - september er 10. april. 

Fylkeskommunen har godkjent spelemiddelsøknadar om til saman 211 millionar. Søknadssummen har aldri vore høgare, og i 2014 var summen på 124 millionar.

Eid kommune har denne veka kunngjort den ferske kulturminneplanen sin. Planen inneheld mellom anna ein handlingsdel med tiltak for å kartlegge, synleggjere og sikre kulturminna i kommunen.

UKM-festival Sogn og Fjordane vert arrangert i Høyanger 31. mars–2. april.

Hovudutval for næring og kultur løyvde 7. mars 420 000 kr til eigedomen Heimdalstrand i Balestrand og hadde også ei synfaring på den freda eigedomen.

Sogn og Fjordane fylkeskommune, Utviklingssenteret for sjukeheimar og heimetenester i Sogn og Fjordane og Høgskulen på Vestlandet inviterer til konferanse om brukar- og pårørandemedverknad i eldreomsorga torsdag 06. april på Thon Hotel Jølster på Skei. 

Gro-bygget i Hornindal, Selje kloster og Kystpilegrimsleia har fått til saman 750 000 kr i statlege verdiskapingsmidlar frå Riksantikvaren.

Fylkesdirektøren føreslår å løyve over 1,1 million kroner til Ormelid i Luster når hovudutvalet for næring og kultur skal fordele 6,2 millionar kroner til freda bygningar 7. mars.

Er du engasjert i frivillig sektor? Bli med på gratis samling 1. april for å lære meir om kvar du kan sikre deg pengar, og korleis du søkjer.

Kommunar kan bli større, og dagens fylke kan bli til større regionar. Men kva skjer med kulturpolitikken og den lokale kulturutviklinga oppi det heile?

Fylkeskommunen inviterer saman med Sparebankstiftinga Sogn og Fjordane og Gjensidigestiftelsen frivillig sektor i Sogn og Fjordane til samling om tilskotsordningar. Samlinga vert laurdag 1. april på Thon Hotel Jølster, Skei.

Kulturtanken er den nye statlege etaten for kunst og kultur til barn og unge i skulealder. Tanken rommar Den kulturelle skulesekken og alt som tidlegare låg under Rikskonsertane.

Sogn og Fjordane fylkeskommune inviterer til samling tysdag 28. februar på Gloppen Hotell. 

Sogn og Fjordane fylkeskommune, Huset i Bygda og Sparebankstiftinga Sogn og Fjordane samarbeider om utvikling av kulturbygg og lyser no ut til saman to millionar kroner.

Velkomen til Kulturkonferansen 2017. Den går av stabelen 23. og 24. mars på Scandic Sunnfjord Hotell. Tema i år er «Kulturpolitikk i reformtider».

Denne veka vart Stryn sin kulturminneplan lagt ut på høyring. Fleire kommunar i fylket jobbar med å utarbeide kulturminneplanar. Målet med dette er å styrke kompetansen om kulturminne i kommunane og få betre oversikt over verneverdige kulturminne.

Fylkeskommunen lyser no ut kulturmidlar, kunstnarstipend og tilskot til kulturbygg for 2017.

10. juli 2016 var konserten "Sulla meg litt du mamma mi - grenselause voggesongar" på programmet til Førdefestivalen. Konserten var laga av og framført med innvandrarkvinner busett i Sogn og Fjordane. 

Thea Hjelmeland spelar i desse dagar for over 4000 elevar ved dei vidaregåande skulane i fylket. Den kritikarroste artisten frå Førde er på turné med Den kulturelle skulesekken (DKS).

15. – 16. mars inviterer Fylkesmannen i Sogn og Fjordane, Sogn og Fjordane fylkeskommune, NAV, Høgskulen på Vestlandet til Sjumilsstegkonferansen 2017. 

Sogn og Fjordane søkjer i år om 218 millionar kroner i spelemidlar, 1981 kroner per innbyggjar. Det er meir enn nokon gong, og berre Nord-Trøndelag søkjer om meir per innbyggjar.

Onsdag 18. januar heldt skuleprosjektet «Skulen min» kurs i digital formidling i Hyllestad kommune. 

Ungdommens ressursgruppe (URG) i Sogn og Fjordane er fem ungdomar som skal vere med å utvikle UKM – Ung kultur møtest.

Sogn og Fjordane fylkeskommune gjennomførte arkeologiske registreringar i Øvstedalen i Sogndal hausten 2016. Det resulterte i fleire nye, arkeologiske funn.

Riksantikvaren har vedtatt å frede eigedomen og kunstnarbustaden Heimdalstrand i Balestrand kommune.

Det vert lokalmønstringar for UKM (Ung kultur møtest) i dei fleste kommunane i fylket frå slutten av januar til midten av mars.

Oddbjørn Ramstad har spreidd musikkglede med både trekkspel og toradar i sine 28 år som fylkesmusikar.

– Dette er den beste julegåva vi kunne ha fått, seier musikkterapeut Jorunn Bakke Nydal om at TV Bra – ein nett-tv-kanal av og med utviklingshemma – no etablerer seg på heile Vestlandet.

Rojo arkitekter  i Trondheim skal teikne dagsturhytta som skal byggast på turmål i alle kommunane i Sogn og Fjordane. Stiftinga til Sparebanken Sogn og Fjordane har løyvd 5,2 millionar kroner til prosjektet.

Onsdag 07.12.07 arrangerte prosjektet "Lev vel", Flora historielag og Sogn og Fjordane fylkeskommune den tredje forteljarkafeen på Kystmuseet i Florø. 

Sogn og Fjordane fylkeskommune inviterer kommunar som jobbar med lokale kulturminneplanar til samling i Førde tysdag 24. og onsdag 25. januar. 

Fylkesbiblioteket i Sogn og Fjordane lanserer i dag nettstaden forfattarar.sfj.no, og Ove Eide presenterer framlegget sitt til litterær kanon for fylket.

Tone Winje er oppnemnt som ny styreleiar for Førdefestivalen for perioden 2017–2018.

24.–26. mars 2017 er det klart for den 29. kulturfestivalen for utviklingshemma i Sogn og Fjordane. 

Ove Henning Solheim fekk i dag det handfaste beviset på at han sjølv og Dans Uten Grenser er årets vinnarar av fylkeskulturprisen.

Fylkeskommune mottok 21 forslag i arkitektkonkurransen for å teikne dagsturhytta for Sogn og Fjordane innan fristen.

Prisvinnar Ove Henning Solheim og Dans Uten Grenser har 10 års jubileum i Sogn og Fjordane i 2016, og set ungdom i sentrum. Fylkeskulturprisen 2016 blir delt ut under fylkestinget 6. desember.

Etter tildeling av 47 millionar kroner i spelemidlar tidlegare i år står det pengar att. Difor får no seks nye anlegg støtte på til saman 1,245 millionar.

Skal du søkje om tilskot til kulturminne i verdsarvområdet i Nærøyfjorden? Fylkeskommunen og Nærøyfjorden Verdsarvpark hjelper deg med søknaden 24. november.

Hovudutval for næring og kultur avgjer 22. november kven som får fylkeskulturprisen for 2016.

19. og 20. november er det nettverkssamling for ungdomsråd på Skei i Jølster.

Prosjektet "Lev vel", Flora historielag og Sogn og Fjordane fylkeskommune arrangerte Forteljarkafe på Kystmuseet 6. oktober. Fridtjov Urdal haldt eit innlegg om si eiga skuletid som prosjektet "Skulen min" har fått lov til å transkribere og publisere her. God lesing! 

Fylkesarkivet i Sogn og Fjordane markerer den nasjonale Arkivdagen med temaet «Då klokka klang».

Sogn og Fjordane fylke har fått førsteplass på Norsk kulturindeks 2016 når det gjeld tilbod i Den kulturelle skulesekken (DKS). Vi deler førsteplassen med Telemark fylke.

Fristen for å nominere kandidatar til fylkeskulturprisen 2016 gjekk ut 1. november. Det har kome inn 15 forslag til prisen.

Hovudutval for næring og kultur har gitt innspel til utviklinga av den statlege politikken om etablering av idrettsanlegg.

Hovudutval for næring og kultur vil frede eigedomen Heimdalstrand i Balestrand. Riksantikvaren tek den endelege avgjersla.

Alle kommunane fylket har sagt ja til å byggje ei dagsturhytte, tre kommunar vil til og med ha to. Over 70 arkitektkontor har meldt si interesse for å vere med å teikne hytta.

Sissel Ørstavik Aase har skrive ei masteroppgåve i folkehelsevitskap, der temaet er knytt til Sogn og Fjordane fylkeskommune sitt arbeid med kultur og helse. 

Det er mogleg å få dekka ein stor del av kostnaden ved rehabilitering av ballbinge gjennom spelemiddelordningar. Vi er no i siste året der ein og kan få 10 000 kr i støtte frå Sparebankstiftinga til utskifting av kunstgras i bingen.

Huset i bygda inviterer til konferanse for alle som er engasjerte i eit av dei 400 lokale kulturbygga i fylket. Konferansen skal gje inspirasjon  til utvikling av aktiviteten i  bygga, korleis ein kan skape gode møteplassar lokalt, og tips til søknadsskriving.

Nye dagsturhytter skal få folk i fylket ut på tur – og ned i stolen med nynorsk litteratur. Målet er minst ei dagsturhytte i kvar kommune i fylket.

Den første Forteljarkafeen gjekk av stabelen onsdag 6. oktober på Kystmuseet i Florø. 

Utvalet var på bedriftsbesøk og fekk eit innblikk i breidda i nærings- og kultursatsingar i Kaupanger. 

Sogn og Fjordane fylkeskommune har inngått utviklingsavtale med Sogn og Fjordane ungdomslag. Målet er å finne samarbeidsformer som gjer at kompetansen i begge organisasjonane vert nytta og utvikla til beste for begge partar og for samfunnet.

Kjenner du nokon som fortener ekstra merksemd for kulturinnsatsen sin? No kan du føreslå kandidatar til fylkeskulturprisen 2016.

Fylkesvaraordførar Åshild Kjelsnes deltok på den nordiske verdsarvkonferansen i Reykjavik 21.–23. september. Hovudtema var turisme i verdsarvstadane og samarbeid mellom dei.

Rasmus Mo frå Sogndal er innstilt som ny styreleiar for Sogn og Fjordane teater.

I kva grad kan song vere ein integreringsarena? Bli inspirert og skaff deg ny kompetanse på konferansen «Sang for inkludering og integrering» i oktober.

Førre veke var fylkeskommunen med på samlinga til Kulturnettverk Sogn i Høyanger. Status, oppfølging og vidare arbeid med Lokale kulturminneplanar var hovudtema for møtet. 

I mange kommunar er tidlegare skulehus no vorte kulturbygg. Fylkeskommunen deltek på «Huset i Bygda» sine regionsamlingar i Selje og Vågsøy i september. Der skal vi snakke om arbeidet med prosjektet «Skulen min». Kartlegginga av skulehus og historieformidling er sentrale tema. 

Fylkeskommunen vidarefører satsinga på lokale kulturminneplanar. Ny prosjektleiar er tilsett i eitt år frå 15. august 2016. I denne perioden skal kommunane få hjelp til å kome i mål med sine kulturminneplanar.

Det blir lånt ut fleire barnebøker i fylket, e-boklånet veks, og talet på arrangement i biblioteka aukar stadig. Dette syner folkebibliotekstatistikken 2015 for Sogn og Fjordane, gjennomgått av fylkesbiblioteket. 

Denne helga markerer vi nyopninga av den gamle ferdselsvegen mellom Sogn og Valdres, Kongevegen over Filefjell. Fylkeskommunen har hatt koordineringsansvar for verdiskapingsdelen av prosjektet som har restaurert Kongevegen. Fylkesordførar Jenny Følling skriv om dette på Kulturbloggen.

Her finn du presentasjonar og nyttig informasjon frå kursa i spelemidlar og midlar til infrastruktur til reiselivet som nærings- og kulturavdelinga har arrangert i august.

I litt over hundre år har kvinner hatt full stemmerett. Både før og etter 1913 har kvinnekamp vorte kjempa på mange ulike arenaer. Kvinnene i Sogn og Fjordane har tradisjonelt ikkje gitt så høg lyd frå seg. Men også vi har «pionerkvinner» som har sett sine spor, bana vegen for dei verdiane og den plassen kvinner i dag har, i sine lokalsamfunn og i det store samfunnsbiletet. Kvinneforbilder. Vi presenterer nokre av desse på Instagram og Facebook. Du kan nominere dine eigne kvinnelege forbilde! Merk ditt bilete #kvinneforbilde 

Les meir på kvinnestemmer.net.

Vi kan by på dans, eksotisk musikk, scenekunst, visuell kunst og litteratur når vi no opnar årets kulturelle skulesekk for elevane i fylket.

Fylkeskommunen, høgskulen og Utviklingssenter for sjukeheim og heimeteneste i Sogn og Fjordane inviterer til konferansen «Når orda sluttar», om musikk og musikkterapi i eldreomsorga. Målet er å motivere kommunane til å tenkje tverrfagleg i eldreomsorga, samt å heve musikkkompetansen blant helsepersonell.

Startskotet for folkeskulen gjekk ved innføringa av konfirmasjonen i 1736. Ingen kunne konfirmerast utan å ha fått undervisning i kristendom. Men det gjekk lang tid før kommunane kunne tilby god og stabil utdanning til alle born. I Solund fekk dei sitt første skulehus på Indrevær i 1844. 

Historiske bilete er ein fantastisk skatt frå fortida. Gjennom foto kan ein få eit innblikk i ei tid som for mange er ukjend og framand. Kulturnett SFJ ønskjer å dele historiske foto på nett, og har difor etablert ein Instagram-konto: kulturnettsfj

Vi har alle høyrt ei og anna historie om stadane som betyr noko for oss. Det som har skjedd før er med å forme staden slik som den er i dag. Kvar stad har sine særtrekk som gjer den litt annleis enn andre stadar. Sagaløypa som opnar 21. juli, tar deg med gjennom Nordfjordeid si kulturhistorie og gjev deg eit innblikk i fortida.

Ein ny rapport om nettverket Miljøbehandling i eldreomsorga viser at nettverksarbeidet har vore positivt og meinigsfullt for praksisfeltet.

Sogn og Fjordane fylkeskommune er uroa for den store og raske statlege nedbygginga av tilskotsordninga til kulturbygg. Det har vore ei halvering av spelemidlar til føremålet i løpet av dei siste to åra. Behova i kommunar og lokalsamfunn er store.

Kvifor ikkje utforske aktivitetar og attraksjonar i nærmiljøet i sommar? Sommarferie i Sogn og Fjordane kan vere fantastisk. Eit tips er å ta turen innom eit av musea i fylket. Her er ei oversikt over aktivitetar på Musea i Sogn og Fjordane i sommar og utover hausten.

I Sogn og Fjordane er det mange flotte kulturlandskap, og fylket har to område med i ordninga «Utvalte kulturlandskap i jordbruket». I år pågår viktig arbeid med kulturlandskapa i fylket.

Vi inviterer til gratis kurs for deg som skal søkje om spelemidlar til eit anlegg for fysisk aktivitet, idrett og friluftsliv eller til eit kulturbygg. Og for deg som skal søkje om infrastrukturmidlar til reiseliv.

Fylkeskommunen har fordelt midlar frå desentralisert ordning for kulturbygg til fem kulturbygg i fylket: Askvoll samfunnshus, Loen bygdehus, grendahuset Mardal skule, Naustdal barne- og ungdomsskule - kulturhusfunksjonar og Realen.

Kartleggings- og formidlingsprosjektet Skulen min går inn i sitt andre år med ferske prosjektmidlar frå Riksarkivet.

Fredag 24. juni reiser 21 ungdommar frå Sogn og Fjordane til UKM-festivalen i Trondheim.

UKM-festivalen Sogn og Fjordane vert i 2017 arrangert 1. – 2. april i Høyanger.

Våren 2016 opna det seg nye moglegheiter for lokale kulturbygg som ynskjer utvikling og modernisering. Sparebankstiftinga Sogn og Fjordane, Sogn og Fjordane fylkeskommune og Huset i bygda har starta eit samarbeid for utvikling av lokale kulturbygg. Sju bygg får snart friske midlar på bok.

Gjennom engasjement over fleire år, både i ungdomens bystyre i Flora, men mest gjennom ungdomspolitisk utval i Sogn og Fjordane, er det det tanken om at innsats i ungdomsmedverknad no gjev demokrati i framtida eg sit att med.

Hovudutval for næring og kultur har fordelt 47,5 millionar kroner frå spelemiddelordninga til 110 anlegg for fysisk aktivitet, idrett og friluftsliv i fylket. Dette er ein auke på 9 millionar kroner i høve året før.

Fylkeskommunen og Fylkesarkivet sitt prosjektet «Skulen min» var i førre veke to dagar i Flora kommune. Formålet med turen var å komme i kontakt med aktuelle samarbeidspartnarar og danne seg eit overblikk over den vidstrakte kommunen. Her kom vi i god dialog med skule, historielag og deleviljuge øybuarar.

Tre  kunstnarar frå fylket er tildelt stipend frå Sogn og Fjordane fylkeskommune i 2016. Stipenda er fordelt på to arbeidsstipend på 30 000 kr kvar og eit etablerarstipend på 50 000 kr.

Korleis kan verdsarvarbeidet skape lokalt engasjement? Verdsarvforum 2016 9.-11.mai er ein nyttig møteplass for verdsarvfylket Sogn og Fjordane.

Sogn og Fjordane Skikrins og Sogn og Fjordane fylkeskommune inviterer til anleggskonferanse på Skei i Jølster torsdag 9. juni. Tema for konferansen er drift og utvikling av skianlegg som grunnleggande føresetnad for ynskje om skiaktivitet.

Fylkeskommunen jobbar i dialogmøte med kommunane i fylket for å få fleire i fysisk aktivitet. Konkrete tiltak står i sentrum.

Kulturformidling og næring heng godt saman, skriv Jan Heggheim, fylkesdirektør for den nye nærings- og kulturavdelinga.

Tal søknadar til anlegg for fysisk aktivitet med midlar frå spelemiddelordninga er fem-dobla frå år 2000 til 2016.

Fylkesting for ungdom 2016 har valt nytt ungdomspolitisk utval for 2016/2017.

Sogn og Fjordane fylkeskommune har no fordelt kulturmidlar for 2016. Assisterande fylkesdirektør for næring og kultur, Ingebjørg Erikstad, fortel at det totalt er løyvd 4 885 000  kr til 62 tiltak.

Helga 8. til 10. april er ungdommar frå heile fylket samla på Skei for å delta på fylkesting for ungdom. Fylkesting for ungdom er ungdommen i Sogn og Fjordane sitt øvste talerøyr. Ungdom frå alle ungdomsråda og kommunane i fylket, fylkesdekkande ungdomsorganisasjonar og polistiske ungdomsparti er inviterte til tinget.

Under UKM-festivalen Sogn og Fjordane 2016 har 250 ungdommar frå heile fylket fylt Førdehuset med liv og røre frå start til slutt. Det har vore sceneframsyningar, utstilling, workshops, konsert på Skywalken i Førde sentrum og mykje leik og moro ut i dei små timar.

Førde internasjonale kor reiser neste veke med 50 songarar til Oslo for å synge for blant andre Sylvi Listhaug på den nasjonale integreringskonferansen «Flykt ikke fra frivilligheten».

Biblioteket er kanskje det kulturtilbodet som er mest nytta av innvandrarar. Kva er det som dreg innvandrarane til biblioteket, og korleis kan vi vidareutvikle tenestene til desse brukarane? Fylkesbiblioteksjef Siri Ingvaldsen skriv på kulturbloggen denne veka.

2. – 3. april møter du Electric Ladyland frå Vågsøy, Isak og Jonas Nordgulen frå Jølster,  kunstverket Circle frå Solund, Ronja Bøe Øygard frå Sogndal og mykje mykje meir i Førdehuset. Då vert nemleg året UKM-festival for Sogn og Fjordane arrangert.

Fylkeskommunen inviterer til kulturkonferanse på Scandic Sunnfjord Hotel fredag 1. april og laurdag 2. april 2016. Det er framleis høve til å melde seg på!

Freda bygningar og anlegg i fylket fekk fordelt fem mill. kr under møte i hovudutval for næring og kultur 15. mars. Størst tilskot gjekk til Sommarhuset på Heimdalstrand i Balestrand.

Sogn og Fjordane har i dag eit godt kulturtilbod, men dette kjem ikkje av seg sjølv. Vi som er innbyggjarar i fylket treng å få oppleve kunst og kultur, men arrangørane treng også oss. Kva er det som avgjer kven som lukkast i å trekke publikum? Sissel Lillebø Aarseth jobbar med kulturutvikling i fylkeskommunen og skriv på kulturbloggen denne veka.

2. – 3. april vert den første UKM-festival i Sogn og Fjordane arrangert i Førdehuset, med Iselin Solheim i juryen. Festivalen samlar 300 ungdommar frå heile fylket.

Å vere elev i kulturskulen kostar, fotballsko kostar, kontingentar kostar og treningskle kostar. Kulturliv og kulturaktivitetar kan gi meining, glede og tilhøyrsle i kvardagen. Men er kostnadane med på å ekskludere framfor å integrere? Anita Nordheim er kultursjef i Høyanger og skriv om utfordringar ein møter på i arbeidet for ein inkluderande kultursektorkultur.

Tidlegare på kulturbloggen skreiv fylkesdirektør Ingebjørg Erikstad om korleis kunst og kultur kan spele ei viktig rolle i arbeidet med integrering. Denne veka får vi høyre om eit konkret tiltak i Florø, der lågterskeltilbod skapar band mellom menneske.

Den har nytt namn, men byr framleis på kreativ ungdom. 2.-3. april blir det ei heil helg med framsyningar, utstilling og workshops med ungdom frå heile fylket. Velkomen til UKM-festivalen!

Folkebiblioteka rundt om i kommunane er taparar i kampen om budsjettkronene. Biblioteka er ein viktig arena for formidling og debatt, og er ofte den einaste møteplassen som er gratis og open for alle. Gjestebloggaren på  kulturbloggen denne veka, biblioteksjef Kristin Hatledal ved Stryn bibliotek, drøymer om meir ressursar til folkebiblioteka. For å forklare kvifor dette er så viktig viser Hatledal til forsking som seier at for kvar krone som blir tilført biblioteka får samfunnet fire tilbake. 

Høgskulen i Sogn og Fjordane, Utviklingssenter for sjukeheim og heimetenester og Sogn og Fjordane fylkeskommune inviterer til konferansen «Digitale verkty i miljøbehandling» i Førde 12. april. Tema er miljøbehandling i eldreomsorga. 

Har du høyrt om elevar som sigla på isflak til skulen? Eller skaut med sprettert? I arkiva finn vi informasjon om fag, karakterar, elevtal og liknande. Men kva med friminutta, skulevegen og relasjonen til lærarar, korleis skal vi ta vare på desse minna for framtida? På Kulturbloggen denne veka skriv Sigrun Espe om prosjektet "Skulen min" og korleis vi skal ta vare på gamle skuleminne.

Fylkesdirektør for kultur, Ingebjørg Erikstad, meiner at kunst og kultur kan spele ei viktig rolle i arbeidet med integrering i Sogn og Fjordane. Vi trenger fleire møteplassar mellom menneske og mellom kulturar. Vi trenger også ressurspersonar, og Erikstad håper at alle vil bidra til å utvikle fylket vårt til eit meir inkluderande samfunn.

Kva minner har du frå ditt lokale kulturhus? Kan du hugse kaffilukta og dei gode kakene, spenninga frå basarane, juletreet som strekte seg heilt opp i taket eller kanskje ungdomsfestane? Det er ingen tvil om at desse samlingshusa er og har vore viktige for lokalsamfunnsutvikling i fylket vårt. Ingunn Nyheim frå Huset i Bygda" har skrive ein hyllest til husa og til eldsjelene som driv dei på Kulturbloggen. 

Kan kunst og design bidra til større forståing av identitet, inkludering og integrering? Seminaret «Dele – tilpasse – tilhøyre» hadde som mål å samle erfaringar om migrasjon og arbeidsinnvandring frå kunstprosjektet Ideal Lab og samtidig sjå på utfordringar samfunnet vårt står overfor.

Hovudutval for næring og kultur har vedtatt strategi  for arbeidet med UKM - Ung kultur møtast - i Sogn og Fjordane i perioden 2016 til 2019. UKM skal bli den viktigaste møteplassen for ung kultur i Sogn og Fjordane.

Fem prosjekt frå Sogn og Fjordane har fått til saman 70 000 kroner i stimuleringsmidlar frå UKM Norge i tildelinga i januar 2016.

Fylkesting for ungdom 2016 vert arrangert 8. til 10. april, ved Thon Hotel Jølster.

Frå 2016 får dei organisasjonseigde kulturbygga i fylket fleire moglegheiter til å søkje midlar til ombygging, modernisering og utvikling. Huset i bygda, Sparebankstiftinga Sogn og Fjordane og  Sogn og Fjordane fylkeskommune går no saman for å løfte og styrkje dei over 400 organisasjonseigde kulturbygga i fylket.

Det er mange ulike meiningar om Sogn og Fjordane, og eit viktig tema som ofte vert debattert er fråflytting. Korleis kan vi hindre fråflytting og få fleire heim- og tilflyttarar? På Kulturbloggen denne veka skriv Dag Henrik Nygård (21) frå Florø om kvifor han meiner Sogn og Fjordane er eit fylke for framtida. 

Dei to ordførarane Hans Erik Ringkjøb og Jan Ove Tryggestad vart i desember valt til ny leiar og nestleiar av Verdsavrådet for Vestnorsk fjordlandskap 2016-2016. Sentralt for rådet er arbeidet med å iverate verdsarvstatusen tildelt Nærøyfjord- og Geirangerfjordområdet.

Korleis møter lokalsamfunnet og byen innvandrarane, korleis blir vi påverka av dette møtet – dei som bur her og dei som kjem? Og kva gjer vi for å gjere møtet betre? Velkomen til "Dele – tilpasse – tilhøyre: Eit seminar om migrasjon" fredag 15. januar klokka 10:00 – 15:00 i Florø.

Terje Lyngstad sluttar ved Sogn og Fjordane teater etter 12 år som teatersjef. Sogn og Fjordane fylkeskommune eig 80% av aksjane i teateret, og leiar i hovudutval for næring og kultur Karen Marie Hjelmeseter takka Lyngstad for innsatsen desse åra.

Fylkeskommunen lyser no ut tilskot til allment kulturarbeid og kunstnar- og etablerarstipend for 2016.

Den kulturelle skulesekken i Sogn og Fjordane og Sogn og Fjordane teater samarbeider tett den kommande våren. Heile tre av teateret sine seks prosjekt det kommande året er slikt samarbeid, og skal spelast for og av elevar over heile fylket.

11. til 13. mars 2016 er det klart for den 28. festivalen for utviklingshemma i Sogn og Fjordane. Sjå program og meld deg på. 

Nærøyfjorden Verdsarvpark arrangerte dialogkonferanse for å avdekke utfordringar og finne framtidsretta løysningar for ein berekraftig fjord.

Hilde Bjørkum fekk tysdag utdelt fylkeskulturprisen og mange gode ord for å ha bygd opp «den tydelegaste kulturelle merkevaren i Sogn og Fjordane».

Sogn og Fjordane fylkeskommune lyser etter arrangørar for UKM-festivalen Sogn og Fjordane (tidlegare fylkesmønstringa) frå 2017.

Påmeldinga til UKM 2016 opna i dag, 1. desember. No kan alle mellom 10 og 20 år, som ønskjer å delta, melde seg på.

Anlegg for fysisk aktivitet bør vere tilgjengelege for alle. No har fylkeskommunen kartlagt tilgjenge til 24 badeplassar og 20 skianlegg i fylket.

Laurdag 24. oktober var 120 menneske frå heile fylket samla til dialog for betre inkludering. Sogn og Fjordane fylkeskommune inviterte saman med Frivillighet Norge organisasjonane til Møteplasskonferansen 2015, og det var mykje engasjement hjå deltakarane. 

Hilde Bjørkum har sidan starten i 1990 bygd opp Førde internasjonale folkemusikkfestival til ein av dei sterkaste kulturmerkevarene fylket har i dag, heiter det i grunngjevinga. Fylkeskulturprisen 2015 blir delt ut under fylkestinget 8. desember

24. november avgjer hovudutval for næring og kultur kven som får fylkeskulturprisen for 2015.

Fylkesrådmannen føreslår å setje av 98 millionar kroner i spelemidlar til nye idrettsanlegg dei neste fire åra. Satsinga på fysisk aktivitet og friluftsliv skal halde fram.

21. og 22. november 2015 er det nettverkssamling for ungdomsråd på Thon Hotel Jølster på Skei. Ungdomspolitisk utval (UPU) og Sogn og Fjordane fylkeskommune er vertskap for samlinga, som i hovudsak handlar om opplæring for dei som sit i ungdomsråda i kommunane i fylket.

Ti engasjerte ungdomar bloggar i haust for Sogn og Fjordane fylkeskommune.

Korleis er det å leve under dronane? Og korleis er det å drepe menneske på andre sida av jorda med ein joystick? Det får førsteklassingane på dei vidaregåande skulane i fylket no innblikk i.

Vi sparkar i gang ei ny satsing på inkludering med dialogkonferansen Møteplass i Førde 24. oktober. Dette er staden for å vere kreative saman. Det blir idédugnad, speeddate, og vi set oss saman for å finne nye måtar å samarbeide på.

Kva rører seg innan barne- og ungdomslitteraturen for tida? Det får vi svar på når Fylkesbiblioteket inviterer til barnelitterære fagdagar i Førde 28. og 29. oktober.

Kulturbloggen skal vere ein arena for kulturdebatt og for å fremje aktuelle tema innanfor det store og omfattande området «kultur». Vi ønskjer gjestebloggarar velkomne.

Kjenner du nokon som fortener ekstra merksemd for kulturinnsatsen sin? No ynskjer vi framlegg til kandidatar til fylkeskulturprisen 2015.

Sogn og Fjordane fylkeskommune varslar no oppstart av freding av eigedomen Heimdalstrand, gb.nr. 10/81, i Balestrand.

Den kulturelle skulesekken (DKS), ungdomens kulturmønstring (UKM) og kulturskulane i fylket samla 150 deltakarar til konferansen «Felles barn, felles ansvar» på Skei 17. og 18. september 2015.

Kongevegen over Filefjell har fått prisen Vakre vegar 2014.

Har du eit kulturminne eller kulturbygg du vil setje i stand? Då er det fleire stønadsordningar du kan søkje tilskot frå. Vi arrangerer gratis kurs i søknadsskriving i Dale 30. september.

Kva er viktig for ungdom i Sogn og Fjordane og kva skal til for at desse tema vert sett på dagsorden? Møt dei ti ungdomane som deltek på prosjektet "Mine meiningar på mitt språk".

Sogn og Fjordane fylkeskommune har fått 100 000 kr frå Kartverket til å styrke arbeidet med universell utforming og tilgjengelegheit i friluftsområde.

Ungdomspolitisk utval (UPU) har plukka ut ti ungdomar til å delta på bloggprosjekt i regi av fylkeskommunen. Dei ti får eit gratis kurs og eit stipend på 5000 kroner kvar. 

Eit leseombod er ein som les høgt for andre, men det er òg så mykje meir. Sogn og Fjordane treng leseombod, og du kan bli med på kurs i Florø onsdag 21. oktober.

Hovudutvalet for kultur fordelte 25. august nesten fire millionar kroner til kulturbygg ulike stadar i fylket.

Jenny Hatlelid Holsæter (16) frå Årdal representerer Sogn og Fjordane i ungdommens ressursgruppe (URG) dei neste to åra.

Ungdom mellom 15 og 27 kan søke om å delta på kurs for å lære om foto, skriving og formidling på nett. Deltakarane får også bloggstipend for å blogge i etterkant av kurset. Fristen for å søke går ut om éi veke.

Koordinator Øyvind Høstaker er stolt over programmet for Den kulturelle skulesekken (DKS) i Sogn og Fjordane komande skuleår. Han lokkar med sirkus, eksotisk musikk, teater og hemmelege heltar og – ikkje minst – prisvinnande film og teater.

Bli med på kurs for å lære å arrangere og leie babysong og småsong i Førde 18. september. Kurset er retta mot faggrupper som arbeider med born, og passar både for nybyrjarar og for erfarne.

Klima- og miljødepartementet sin landsverneplan er ferdigstilt. Landsverneplanen omfattar freding av bygningar på 18 anlegg fordelt over heile landet. I Sogn og Fjordane er vakthytta i Vingen omfatta av fredingsvedtaket.

Fylkesordførar Åshild Kjelsnes roste dugnadsinnsatsen under opninga av Norsk Country Treff 2015, men la også vekt på at dugnadsånd ikkje kan bere festivallasset aleine.

Er frivilliglivet i endring, og korleis påverkar det i så fall samfunnet og kulturlivet? Forskarar, organisasjonsfolk og representantar frå det frivillige debatterte temaet på Førdekonferansen 2015.

Frå 19. til 23. juni deltok 19 ungdommar frå Sogn og Fjordane på UKM-festivalen i Trondheim.

Sogn og Fjordane fylkeskommune inviterer saman med Frivillighet Norge til møteplasskonferanse i oktober.