Finansminister Sigbjørn Johnsen inviterte måndag 23. januar ungdom frå heile landet til å diskutere korleis Noreg skal vere i framtida. Frå Sogn og Fjordane deltok Benjamin Hellesen Heimset, Vilde Tøfte Øvstetun og Ingrid Øien i Ungdomspolitisk utval (UPU).

Bandet Meanwhile at Firda Billag frå Fjaler er plukka ut til å representere Noreg på Music Crossroads InterRegional Festival i Mosambik. Dei vart plukka ut etter å ha delteke på landsmønstringa til ungdommens kulturmønstring (UKM) i Trondheim tidlegare i år.

Benjamin Hellesen Heimset frå Flora vart valt til ny leiar av ungdomspolitisk utval (UPU) under fylkestinget for ungdom 28.–30. oktober. Vilde Tøfte Øvstetun frå Sogndal er ny nestleiar.

Laurdag innleidde kommunal- og regionalminister Liv Signe Navarsete diskusjonen om kommunesamanslåing i fylkestinget for ungdom. Dei rundt 40 ungdomspolitikarane var samde om at kommunane skal få bestemme sjølve om dei vil slå seg saman eller ikkje.

Det vert fylkesting for ungdom på Fylkeshuset i Leikanger 28.–30. oktober. Kommunal- og regionalminister Liv Signe Navarsete er på plass for å innleie diskusjonen om kommunesamanslåing laurdag.

Hovudutval for kultur skal i møte 13. april fordele nærmare 0,5 millionar kroner til ulike kulturarrangement som har søkt midlar gjennom kulturkort for ungdom. Dei fleste søknadane gjeld tilskot til musikkarrangement, og Malakoff Rockfestival kan stikke av med største potten til festivalpass.

Ungdomspolitisk utval orienterte om arbeidet sitt ved under opninga av fylkestinget i Loen onsdag 6. april. Her oppmoda Benjamin Heimset fylkespolitikarane om å ta kontakt med ungdommane i politiske diskusjonar – gjerne på Facebook.

Ungdomspolitisk utval arrangerte i helga nettverkssamling for ungdomsråda i fylket på Hotel Loenfjord i Loen. 37 positive og engasjerte ungdomar møttest for dele erfaringar og for å lære om tale- og debatteknikk og korleis handtere media.

I helga samlast om lag 40 ungdomar frå Sogn og Fjordane i Loen for å lære meir om arbeidet med ungdomsråd. Ungdomspolitisk utval arrangerer nemleg si årlege nettverkssamling for ungdomsråd, og på agendaen står blant anna medietrening og opplæring i god møte-, tale- og debatteknikk.

Arrangørar av teater, festivalar, konsertar, kino, idrettsarrangement og andre kulturtilbod kan no søkje om tilskot for å kunne tilby rabatterte billettar for ungdom mellom 16 og 20 år. – Det er ungdomen sjølv som har teke initiativet til dette, og no håpar vi at både ungdom og arrangørar nyttar seg av tilbodet, seier Sissel Loen (H), som er leiar for hovudutval for kultur.

Det nyvalde ungdomspolitiske utval (UPU) hadde helga 3. –5. desember sitt fyrste møte etter at dei vart valde på fylkestinget for ungdom (FFU) i haust. Dei har blant anna utarbeidd ein resolusjon for korleis dei ønskjer at ordninga med kulturkort skal fungere.

Tre produksjonsselskap konkurrerer no om å få lage filmen som skal syne at Sogn og Fjordane er fylket for framtida.

Kjenner du ein gründer mellom 18 og 35 år med eiga verksemd i fylket, eller er du ein gründer sjølv? No kan du kome med forslag til kven du meiner fortener å vinne gründerprisen for ungdom 2010.

Turneane i fylkestilbodet til Den kulturelle skulesekken hausten 2010 er klare. På repertoaret står m.a. ei rekkje danseframsyningar.

Fylkeskommunen ønskjer å betre skysstilbodet for ungdom til og frå fritidsaktivitetar på ettermiddag og kveldstid, og har sett av 1 million kroner til lokale transporttilbod for ungdom. Årets midlar er no fordelt mellom kommunane i fylket.

Utdanningsdirektoratet har lagt ut eksamensresultata frå sentralgjeven skritleg eksamen med over 1000 kandidatar, i alt 32 ulike fag. Ved desse eksamenane får alle elevene i landet dei same oppgåvene, dei vert også sensurert i ein felles sentral sensur.

Etter at ordninga ”Trygt heim for ein 50 – lapp” har fungert vellukka for ungdom i skuleåret, vert ordninga no prøvd ut om sommaren i eit spleiselag mellom Sogn og Fjordane fylkeskommune og Samferdsledepartementet.

Sommaren 2010 vil Sogn og Fjordane fylkeskommune arrangere sommarskule. Tilbodet gjeld elevar frå yrkesfag som ikkje har bestått eksamen i matematikk eller som ikkje har fått ståkarakter i faget frå VG1.

Fylkestinget har samrøystes vedteke strategiplanen for den kulturelle skulesekken 2010 - 2014. Den legg opp til at alle elevane i den 13-årige skulen i Sogn og Fjordane skal ha eit mangfald av tilbod innan kunst - og kultur.

Fylkestinget har i dag 9.juni handsama saka om kulturkort for ungdom. Dette er eit kulturpolitisk tiltak som gjev ungdom rimelegare billettar og tilbod til kulturtiltak i ein region.

Menneskeleg vondskap er tema når fem vidaregåande skular frå neste veke får besøk av Grenland friteater. Alle vg2-elevane på Flora, Dale, Eid, Sogndal og Mo og Jølster vgs. skal sjå framsyninga ”Gjenkjennelsen – ondskapens psykologi”.

Omlag førti engasjerte ungdommar frå heile fylket var i helga samla på Skei, der dei mellom anna vart kursa i taleferdigheiter og mediekontakt. Kanskje er dei framtidas politikarar i Sogn og Fjordane?

Musikk, dans og dramaelevar i 3. klasse ved Firda vidaregåande skule inviterer til framsyninga "Kjærleikens landskap" torsdag 15.april i kultursalen i Trivselshagen.

Fylkeskommunen ønskjer å betre skysstilbodet for ungdom til og frå fritidsaktivitetar. Ungdomsråd og kommunar vert no inviterte til å utforme eigne skyssopplegg og søke fylkeskommunen om midlar for å få dette i gang.

Sogndal filmfestival har fått 3 toppfolk innan norsk Film / Reklame / TV-produksjon til fagdagen 16. mars. Om kvelden deler Villmark-regissør Pål Øie ut prisen for beste film på kortfilmfestivalen i Sogndal kulturhus. Arrangør er 3. klasse på medielinja på Sogndal vidaregåande skule.

Fleire ungdomar søkjer idrettsfag, studiespesialisering og service og samferdsel på Vg1 dette skuleåret enn i 2009. Bygg og anleggsteknikk og elektro opplever derimot ein nedgang i søkjartalet.

Torsdag 11. mars inviterer Ungt Entreprenørskap Sogn og Fjordane til fylkesmessa for ungdomsbedrifter/elevbedrifter. Messa finn stad i Operahuset på Nordfjordeid og det skal delast ut prisar i 10 kategoriar for vidaregåande skular og to kategoriar i grunnskulen.

Ask Adam AS ved Njål og Linn Wilberg vart årets vinnarar av Sogn og Fjordane sin Gründerpris for ungdom. Kjartan Longva, leiaren for hovudutval for plan og næring delte ut prisen under opninga av fylkestinget.

Fylkesting for ungdom (FFU) hevdar det norske kommunekartet ikkje lenger samsvarar med området der folk bur og arbeider. Dei seier tida er inne for å leggje om kommunestrukturen til større og meir slagkraftige kommunar.

Fylkesting for ungdom var samla 6-8 november på Hermansverk for det 16 tingsetet. Tinget samla deltakarar frå ungdomsråda i fylket, ungdomspartia samt fylkesdekkande organisasjonar. På fylkestinget blei det valt eit nytt ungdomspolitisk utval med Ørjan Fjellkårstad frå blaksæter som leiar.