Knutepunkt Sogn og Fjordane er eit regionalt kompetansesenter for offentlege innkjøp som skal rettleie i samband med anbondsprosessar. Dette kontaktpunktet spring ut frå Handlingspl an for miljø og samfunnsansvar som regjeringa utarbeida i 2007 der det vert lagt vekt på at offentlege innkjøp skal ta omsyn til miljø, etisk handel og universell utforming i alle offentlege innkjøp. Knutepunktet har altso som hovudfokus å assistere med innarbeiding av miljø og samfunnsansvar i offentlege innkjøp, men vi ser og at det trengs generell rettleiing på området, og vil difor yte dette og.

Med basis i dette har vi i Knutepunkt Sogn og Fjordane laga ein aktivitetsplan som legg opp til eit utbredd samarbeid med offentlege verksemder og næringslivet i regionen. Vi ynskjer å auke bruken av miljø og samfunnsansvar som kriterie og forståinga av korleis dei skal brukast.

Difor tilbyr vi kurs, seminar og rettleiing, både i relevante verkty og i miljøspørsmål. Vi har og opparbeida ei eiga nettside for knutepunktet, der både dei offentleg verksemdene og næringslivet kan gå inn og finne nyttige lenker, malar og eksempel som skal gjere innkjøp, og då særleg av den miljøvenlege sorten enklare.

Om det er andre ting du lurer på eller du treng direkte rettleiing i ei bestemt sak er du velkomen til å ta direkte kontakt med oss i Knutepunkt Sogn og Fjordane.