I tillegg til innlegget til olje- og energiministeren blir det presentasjonar frå Oljedirektoratet, BG Norge, GDF SUEZ og Statoil. Vidare vert det innlegg frå leverandørbedrifter som ser moglegheiter innan petroleumsverksemda med utgangspunkt i Sogn og Fjordane.

Viktig treffpunkt for næringa
Vekst i vest-konferansen vert arrangert av Sogn og Fjordane fylkeskommune, Flora kommune, Flora Industri- og Næringsforening og Norsk Petroleumsforening avd. Sogn og Fjordane. Fram Flora, BG Norge, GDF SUEZ og Statoil er samarbeidspartar.

I fjor samla Vekst i Vest 140 deltakarar. Det er stor aktivitet og optimisme i næringa. Arrangørane trur difor at deltakinga i år vil nå nye høgder, og at konferansen vert eit treffpunkt der det er viktig å vere til stades.

Håpar på inspirasjon til nye initiativ
Ideen om å satse på utvikling av eit subsea-bachelorstudium i Florø vart sådd under Vekst i Vest i 2011. Status for dette arbeidet vert presentert på konferansen i år.

Arrangørane håpar at programmet også i år vil gje inspirasjon til nye initiativ som vil styrkje petroleumsmiljøet i fylket.

Det vert også tilbod om konferansemiddag kvelden før – måndag 24. september. Programmet vert presentert i detalj når dette ligg endeleg føre.

For meir informasjon
Audun Erik Sunde
e-post: audun.erik.sunde@sfj.no  
tlf. 57 63 79 40 / 916 45 874