– Eg er veldig glad for å få markere at vi no er gang med å sikre Buskredene på vegen mot Veitastrond. Dette er eitt av dei farlege raspunkta på denne vegen, og det er svært viktig å få eliminert dette, seier fylkesordføraren.

Statens vegvesen har skrive kontrakt med entreprenør Brødrene Lomheim AS for bygging av rasvollane. Prosjektleiar i vegvesenet, Stein Idar Dyngen, seier at tryggleiken for entreprenøren vert vurdert fortløpande, sidan arbeidet går føre seg i eit område som er utsett for snøskred. Skredsikringa skal etter planen vere ferdig i 2013.

Krev auke i rassikringsmidlane
Fylkesordføraren understrekar at det står att fleire andre rassikringsprosjekt langs vegen mellom Veitastrond og Hafslo.

– Bjødnabakken og Lindeskredene står på dagsorden for fylkespolitikarane no. Det er også umåteleg viktig at alle gode krefter seier frå i høyringa til Nasjonal transportplan. Vi må melde tilbake at vi forventar at at rassikringsmidlane både til riks- og fylkesvegar vert auka i tråd med kravet frå mellom anna den nasjonale rassikringsgruppa, slår Kjelsnes fast.

For meir informasjon
Åshild Kjelsnes
fylkesordførar
tlf.: 918 88 568
e-post: ashild.kjelsnes@sfj.no