Sogn og Fjordane fylkeskommune har hatt ansvaret for gjennomføringa av plan- og designkonkurransen, og tusenårsstaden Gulatinget er eit samarbeidstiltak mellom fylkeskommunen og Gulen kommune.

Vidareutvikling av tusenårsstaden
Tusenårsstaden vart opna 27. august 2005, og står i dag fram som ein offentleg park og kulturarena med Bård Breivik sine kunstinstallasjonar som hovudelement. I tillegg er sta­den utvikla med tilrettelegging av blant anna aktivitetsområde, gangvegar og turstiar, og det planlagde formidlingssenteret er ei vidareutvikling av anlegget.

– Planane om eit formidlingsbygg har følgt utviklinga av tusenårsstaden over lang tid. Det er utarbeidd rom- og funksjonsprogram for bygget, som er tenkt realisert som eit fleirbrukshus som skal innehalda utstilling og formidling av historia knytt til Gulatinget og vera arena for møte, konferansar og lokal og regional kulturaktivitet, seier bygg- og eigedomssjef i Sogn og Fjordane fylkeskommune, Jan Tore Rosenlund.

Det blir no arbeidd med å få finansieringa av formidlingsbygget inn i investeringsplanen til fylkeskommunen, og denne skal handsamast av fylkestinget i desember. Det er føresett at både Gulen kommune og staten tek del i finansieringa av bygget saman med fylkeskommunen.

Les den fullstendige vurderinga til juryen i juryrapporten