Over tretti tiltak vart vedteke som portefølje til ”Tenketanken”. Fleire av tiltaka er allereie starta opp – slik som etablerarportalen www.driftig.no, eige næringsfond for ungdom, satsing på næringsutvikling knytt til fornybar energi, vidareutvikling av bygdeutviklingsprogramma, program for å få flytta statlege arbeidsplassar til Sogn og Fjordane – for å nemne nokon av tiltaka.

 

Fleire av tiltaka må likevel vurderast nærare, slik som ei omdømmesatsing i Sogn og Fjordane – her ligg det allereie føre eit framlegg som Fylkestinget må gje endeleg ”grønt lys” til, og oppstart av ei internasjonal line ved vidaregåande skule (International Baccalaureate).

 

Og nokre av tiltaka er reint politiske retta, slik som bygging i 100- metersbelte, auka ferjefrekvens, og betra kommuneøkonomi.

 

Andre tiltak vil bli følgt opp gjennom ny fylkesplan, slik som ei auka medvit omkring senterutvikling, medan andre er tema for eigne fylkesplanar, slik som fylkesdelplan for vindkraft, fylkesdelplan for småkraft, ny kulturstrategi og ny reiselivsplan.

Nærare presentasjon

Ein nærare presentasjon av status på fleire av tiltaka, kan de finne ved å klikke på noko av prosjektporteføljen under.

Bakgrunn for "Tenketanken"

Det var fylkesordførar Nils R Sandal, som i sin tale til fylkestinget i desember 2006, sa det no var trong for å utvikle nærare strategiar for å kome sentraliseringskreftene og fråflyttinga frå distrikta i møte. Sommaren 2007 vart det derfor oppnemnd ei arbeidsgruppe som skulle sjå nærare på utfordringane som Sogn og Fjordane står overfor. Gruppa fekk tidleg den uformelle nemninga ”Tenketanken til Nils R.”, og vart sett saman av personar med alternativ kompetanse og ulik bakgrunn. Prosessen skulle ende opp i konkrete framlegg til løysingar på utfordringar fylket står framfor, mellom anna:

Tina Vilenica, Arve Helle, Randi Førsund, Ole Henrik Vigdal, Elin Østevik, Arvid Langeland, og Eli Bjørhusdal. 

Rapporten frå "Tenketanken" får de ved å klikke her

 

Har de spørsmål til oppfølginga av ”Tenketanken”? Ta kontakt med: 

 

Koordinator Trond Ueland, trond.ueland@sfj.no, tlf 91 33 74 10