Praksis og teori går hand i hand på sommarcampen , og målet er at deltakarane skal få positive opplevingar saman med andre ungdomar på same alder. I ti dagar skal dei ha base på folkehøgskulen på Vereide i Gloppen.

Elevane som deltek går ut av 10. klasse i vår. Dei får dekt all mat, opphald, turar, aktivitetar og reise, og to nøkkelord for campen er friluftsliv og fellesskap. Aktivitetane inkluderer båttur, motorcross, klatring, og dei får prøve å skyte med pil og boge frå hesteryggen.

Ny GIV er ein nasjonal dugnad for å få fleire ungdomar til å fullføre og bestå vidaregåande opplæring. Sommaraktivitetar er ein del av prosjektet for å aktivisere og motivere elevane gjennom sommaren mellom ungdomsskule og vidaregåande.

Meir om sommarcampen.

Meir om Ny GIV.

For meir informasjon
Sissel Espe
e-post: sissel.espe@sfj.no  
tlf. 57 65 65 22 / 481 52 638