Fylkeskommunen arrangerte tysdag den 30. september temadag som ein lekk i arbeidet med fylkesdelplanen for klima og miljø. Føremålet med dagen var mellom anna å gjere det utsendte høyringsutkastet kjent for kommunane, fylkespolitikarane og andre relevante aktørar.

Vidare la vi opp til å få inn kritiske synspunkt på hovudgrepa i høyringsutkastet. Det kom både positive og kritiske tilbakemeldingar. Hovudinnvendinga mot planutkastet var at det var for lite konkret både i høve målformuleringar og tiltak. Dette var konstruktive innspel som fylkeskommunen sjølvsagt vil ta med seg i det vidare planarbeidet.

Det var likevel semje om at høyringsutkastet gir eit godt fagleg grunnlag for vidare bearbeiding i høyringsfasen.