Skulehelsetenesta er eit tilbod til alle elevane ved skulen. Ved oppstarten av nytt skuleår går helsesøster rundt i 1.klassane (Vg1) og informerer om korleis du kan bruke denne tenesta. Helsesøster har kontor i 3. etasje på nye skulen. 


Helsesøster har slik kontortid:

Måndag	Tysdag	Onsdag	Torsdag	Fredag
Kl 9-14: Open dør	Fri	Kl 9-14: Open dør	Fri	Kl 9-12: Møtetid helsestasjonen  Kl 12-15: Timeavtalar

Samstundes kan helsesøster motta sms alle dagar på mobil 41 56 12 55.

Skulelegen er ikkje på skulen resten av skuleåret 2012/2013.

Målsettinga med skulehelsetenesta er:

• å fremja god helse og trivnad
• å gi elevane kunnskap og støtte til å betre helse og livskvalitet
• å førebygge problem og helseskade

Det er ingen rutineundersøkingar i den vidaregåande skulen. Det blir lagt vekt på at du er ansvarleg for eiga helse.

Her har du nokre eksempel på kva vi veit fleire ungdomar strevar med:

• det å tilpassa seg ein ny skule og nye venner kan væra vanskeleg
• vi veit at enkelte er plaga med hovudverk, magesmerter og konsentrasjonsproblem
• nokon har vanskelege heimeforhold
• nokon strevar med angst og depresjon
• nokon strevar med rusproblem (tobakk, alkohol, narkotika)
• nokon har vore utsett for vold, heime eller ute
• nokon har problem i forhold til mat, kropp og vekt
• nokon har blitt seksuelt misbrukt
• nokon har eller vil oppleve sorg eller krise
• nokon strevar med å finna eigen seksuell identitet (homofil/heterofil)
• nokon strevar med å finne identitet og rotfeste, fordi det er vanskeleg å veksa opp med to kulturar

DETTE ER VONDT Å GÅ MED ALEINE -PASSAR NOKO AV DETTE PÅ DEG, TA KONTAKT!!

Skulehelsetenesta kan gi deg råd og rettleiing om:

• generelle helsespørsmål
• kosthald
• samliv og seksualitet
• prevensjon
• kjønnssjukdomar
• abortspørsmål
• rusmidlar (alkohol, tobakk, narkotika)
• vonde kjensler og tankar
• psykiske problem som spiseforstyrringar, sjølvskading og andre helseplager
• Graviditetstest
• Klamydiatest

Nokre gonger kan det vere godt å ha ein vaksen person å snakke med, sjølv om ein ikkje har eit spesielt problem, då er du og VELKOMMEN.

Du treng ikkje bestille time. Stikk innom i trefftida. Du kan og få ein timeavtale viss du ønskjer det.

Helsesøster kan gi råd, rettleiing og hjelp direkte eller vere til hjelp med å etablere kontakt med lege og fysioterapeut. Vi kan og tilvise vidare til andre instansar, dersom du vil.

Ta gjerne kontakt på sms eller ring: 41 56 12 55

Helsing helsesøster Linda Habbestad Skorve
    


Helsestasjon for ungdom (HFU)
Open kvar tysdag kl 14-16. Er på helsestasjon i 1. etasje på legesenteret.