Kurset er ei landsline som varer i 19 veker og gir praktisk og teoretisk opplæring i hovudområda bransjeteknikk, transport og logistikk, transport, og planlegging og drift.
I opplæringa inngår yrkessjåførdirektivet, som gir løyve til yrkesutøving innan person- og/eller godstransport.
Opplæringa er gratis, men elevane må halde seg lærebøker og liknande.
Kurset vert avslutta med eksamen og førarprøve i førarkortklassane C, D og/eller CE (lastebil, buss og/eller vogntog).
Innhald i kurset:
a) Opplæringa skal ta utgangspunkt i dei fastsette læreplanane Vg2 transport og logistikk og Vg3 yrkessjåførfaget. Kompetansemåla til læreplanane finn du her:
b) Opplæringa skal legge til rette for at eleven kan gjennomføre transportoppdrag i tråd
med gjeldande regelverk.
Inntakskrav:
· 21 år eller eldre.
· Fullført eit av grunnkursa vg1 service og samferdsel eller vg1 teknikk og industriell produksjon i Kunnskapsløftet, eller tilsvarande frå eit av grunnkursa som gav inntak til VK1 transportfag i Reform 94 (mekaniske fag, elektrofag, allmenne, økonomiske- og administrative fag).
Søkjarar med utanlandsk utdanning må kontakte vaksenopplæringa i fylkeskommunen for realkompetansevurdering opp mot eitt av grunnkursa i inntakskrava. Meir informasjon finn du her.
· Norsk førarkort klasse B.
· Tilfredsstille helsekrava for førarkort kl. CEDE
(Må legge fram helseattest ved kursstart, ikkje eldre enn 6 mnd).
Med søknaden skal fylgje:
· Attestert kopi av norsk førarkort klasse B.
· Attestert kopi av vitnemål / kompetansebevis.
· Rangering av søkjarar:
Ved rangering skal søkjarar frå heile landet stille likt. Dersom det er fleire søkjarar enn plassar, vert søkjarane rangert etter poengsum frå grunnkurset eller Vg1.
Vidare vert plassane fordelt i følgjande prioritert rekkefølgje:
- søkjarar utan fullført studie- eller yrkeskompetanse går føre søkjarar med tidlegare fullført studie- eller yrkeskompetanse
- eldre søkjarar går føre yngre
Vurdering
Eleven skal ha karakter i kvart av dei fire hovudområda bransjeteknikk, transport og logistikk, transport, og planlegging og drift.
Kompetanse/dokumentasjon
Etter gjennomgått opplæring får eleven delkompetanse innan yrkessjåførfaget.
Kurset gir eit halvt års godskriving i læretid i eit eventuelt seinare læreforhold, og tilsvarande godskriving av praksistid ved oppmelding til fagprøve.
Det vert skrive kompetansebevis for gjennomgått kurs.
Kostnad (utanom lærebøker):
Førarprøve i samarbeid med biltilsynet. Avgift vert betalt av eleven.
Prisar pr. 01.01.13:
Teoretisk prøve pr. klasse: kr 520,-.
Praktisk prøve pr. klasse: kr 920,-.
Produksjon av førarkort: kr. 240,-.
Fotografering: 65,-.
Ein kan søkje Statens lånekasse om stønad etter gjeldande retningsliner.
Søkjarar til yrkessjåfør skal nytte skjema for "Høgare og anna utdanning".
I løpet av skuleåret startar skulen 2 kurs:
Kurs 1 går frå august- januar og har søknadsfrist 1. juni.
Kurs 2 går frå januar - juni og har søknadsfrist 1. desember.
Last ned søknadsskjema her .
Søknaden skal sendast til: Sogndal vidaregåande skule, Lunnamyri 2, 6856 Sogndal.
