Det er framleis håp om at det kan bli 2VG2-klassar på Idrett komande skuleår skriv Sogn Avis. Foreldre har den siste tida aksjonert for dette. 14 elevar står i fare for å måtta flytta til andre skular sidan Opplæringsutvalet har gjordt vedtak om at det berre skal vera 1 VG2-klasse.I fylgje Sogn Avis er det aktuellt for politikarane å vurdera saka på nytt i møtet i Opplæringsutvalet 28. mai.

Det nye styret for elvrådet i skuleåret 2013-14 er no vald. Stig Liljedahl Sætre 1 STA er vald til ny leiar. Dei andre i styret er : Thomas Valvik Yttri, Jardar Eide Nymark, Stig Liljedahl Sætre, Malene Kvam og Åsmund Kongsvik Aall.

20. juni vert det høgtidleg avslutningsfest for avgangsklassane - VG2 / VG3 - på Sogndal vgs. Pyntefaktor / God mat /Underhaldning / talar m.m. - Det vert ei verdig markering av slutten på 13 års obligatorisk skulegang ! Festen kostar kr. 130.-Påmelding / innbetaling til tillitsvald i klassane innan 14. mai .

Tidlegare i april hadde Sogndal vgs / sosiologiklassane på stud.spes. og nokre norsk-klassar ein spennande foredragshaldar. Laila Bokhari - ein av Norges fremste ekspertar på terrorisme besøkte skulen. Laila har røynsle frå FN-arbeid, den norske ambassaden i Pakistan og 22. juli-kommisjonen. Det var også sett av ei ettermiddagsøkt for interesserte lærarar - svært aktuellt sidan besøket kom rett etter Boston-bombene.

TV2-nyheitene brukte laurdag Synne Asheim Haga som reporter til innslag i 21-nyheitene / nyheitskanalen.Synne har også tidlegare vore sjølvstendig reporter for TV2 og NRK/TV. Ei av årsakene til at medielevar på Sogndal vgs kan brukast i slike roller er dei tette nettverka skulen har i mediebransjen - herunder TV2. Dette vert også forsterka av plasseringa på Campus. Fotograf for Synne var Daniel Volle - som driv filmselskap på Campus / tidlegare elev på Sogndal vgs.

Vårin Ness - 3 Idrett - fekk maksimalt utav starten på "russefeiringa" då ho søndag vart matchvinnar i 1. divisjonskampen mot Sarpsborg 08. Kaupanger har dermed fått ein fin start på comebacket i vår nest øvste divisjon. Fleire av KIL-spelarane er elevar på Idrett og Vårin kunne altså kruna det heile med den avgjerande skåringa. Sarpsborg 08 har dei siste sesongane vore blant dei beste laga i 1. divisjon damer.

Det vert trafikk/ helse-dag for russen på Sogndal vgs torsdag den 25 april kl 12.50 – 16.00.Trafikkdagen er for VG3 elevane (Raudruss) og avgangselevane på VG2 yrkesfagleg utdanningsprogram (Svartruss).Program på neste side :

Sogndalsrussen 2013 presenterer russerevyen med 2 forestillingar i kulturhuset mandag kveld. Gje russen støtte - få ei triveleg stund i kulturhuset mandag kveld !

Sogndal vgs er ikkje berre ein læringsarena for over 800 elevar - men også på andre / fleire måtar enn me "anar" vert det utdanna folk på skulen . 3 gode eksempel på det fekk me då Elin og Unni-Johanna - begge reinhaldsoperatørar - og dataelektronikar-lærling Jon Anders tidlegare i vinter fullførde Fagbrev-utdanning i respektive fag. Då var det også på sin plass med ei markering frå skulen si side.

Det er mange avdelingar / linjer på Sogndal vgs som er spente på utfallet av den politiske behandlinga av den framtidige skulestrukturen i fylket. Ei av dei er byggfag som mobiliserer for at VG2 framleis skal vera eit komplett fag i skulebygga på Campus. Sogn Avis hadde oppslag om mobiliseringa før påske.

iVitrum UB fekk 2.pris i konrurransen om "Beste innovative produkt" på fylkesmessa 21. mars. I tillegg fekk dei også hederleg omtale frå juryen som delte ut prisen i klassen for "Beste Ungdomsbedrift"

I dag er det påskeball for Sogndal vgs-elevane i Idrettshallen. Det er sett opp bussruter for elevar som bur utanfor Sogndal. Meir info på neste side. NB: ADGANGSKORT KAN HENTAST I DØRA KL 20.00 I KVELD.

Når påska er over er det tid for å leggja om til sumardekk på bilen ! Elevbedrifta Fosshaugane Bilservice kan 4. og 5. april tilby dekk-kampanje - både dekkskifte og andre tenester. Den er retta både mot tilsette og elevar. Les meir ved å klikka på lenka.

Fylkesrådmannen held informasjonmøter rundt om i fylket no i mars. Han vil der informere om innhaldet i høyringsdokumentet og arbeidet med skulebruksplanen. Det vert òg høve til å stille spørsmål til innhaldet i planen.

Elevane i 3 MK gjennomførde i går kveld ein flott Gallakveld på Sogndal Filmfestival. Rundt 200 fylgde arangementet i Storsalen - over 2000 unike stemmer på Pulikumsprisen ! Tidlegare medielev Daniel Volle stakk ikkje uventa avgarde med dei fleste filmprisane. Fylkesordførar Åshild Kjelsnes rosa filmskaparane for god utvikling - og elevane for arrangementet

Det er rekordpåmelding til Sogndal Filmfestival i år - 74 filmar. Du kan stemma på publikumsprisen på NRK Sogn og Fjordane - lenke neste side. Fylkesordførar Åshild Kjelsnes vert med som prisutdelar på Gallakvelden mandag kveld i kulturhuset - festivalen er glade for at fylkesordføraren kjem ! Det er god kvalitet på filmane seier jurysjef Stein Magne Os-der mellom anna Daniel Volle sin "Usynleg" er ein av deltakarane. Sogndal vgs/Mo og Jølst. vgs / Akademiet i Bergen har sendt inn flest filmar.

Det var ein mildt sagt gira gjeng frå 3. klasse Idrett/friluftsliv som møtte opp på skulen heilt i slutten av februar. Topptursekkane var pakka, solbrillene plassert på hovudet og kvikk-lunchen låg lett tilgjengeleg i topplokket på sekken.

Mandag og tysdag denne veka kjem heile 250 9. klassingar frå regionen på hospitering på Sogndal vgs. Skulen har lenge vore blant dei mest populære i fylket og hospitantane fordeler seg over alle linjer . Me ynskjer alle 9. klassingane velkomne. Elevar i VG1 og VG2 vil saman med lærarane vera vertskap for hospitantane rundt om på avdelingane.

NRK/Vestlandsrveyen hadde innslag frå Sogndal vgs fredag 8. mars. Fokuset var jenter som vel utradisjonelle yrke. Det vart ein flott reportasje med Aina Merete Solnes Heggestad på Bygg- og Anleggsteknikk på SVGS. Lenke til Vestlandsrevyen på neste side.

Onsdag førstkommande er felles ski og aktivitetsdag for Sogndal vgs. Staden i år er Hodlekve - Været lovar veldig bra !! - OG: Du treng ikkje ski på denne dagen. Det vert varierte aktivitetar - det sosiale står i høgsetet. Skitrekket er ope - det same er alle løyper og akebakkar ! Obligatorisk for alle.

TV-journalist Linda Eide - TV-produsent/regissør Stein Magne Os - filmregissør/skodespelar Iram Haq - multimedietalent Ole Martin Volle : Alle er foredragshaldarar på Fagdagen til Sogndal Filmfestival tysdag 19. mars - i Storsalen i kulturhuset. Kvelden før er det Gallakveld med kåring av vinnarane i Kortfilmkonkurransen.

Det gjer meg stolt og glad å sjå at innsatsen til elevane på SVGS for barnehage i Eshowe verkeleg nyttar !! Det seier elevrådsleiar Helge Evensen Bjørkum. I vinterferien var utsendingar frå Sogndal vgs i venskapskommunen til Sogndal - Eshowe i Sør-Afrika. Dei var med på opninga av ei ny barnehageavdeling - jobba inn av elevaksjonen / dagsverksarbeid til Sogndalselevane dei siste åra. Turen gjorde sterkt inntrykk seier elevrådsleiaren.

Finalen i kunnskapskonkurransen for 10-klassingane i fylket - Klassequitzen - går av stabelen i dag frå kl. 14.00. NRK Sogn og Fjordane har vald aulaen på Sogndal vgs som arena for den direktesende finalen. 2 lag frå Sogn og 2 frå Sunnfjord har kvalifisert seg til finalerunden - Flatbygdi skule frå Vik og Farnes skule frå Øvre Årdal er dei "lokale" finalelaga - saman med Førde og Jølster. Finalen går direkte på radio NRK Sogn og Fjordane og elevar i 2 Media sender den på Nett-TV for NRK. Det er dermed eit stort medieapparat i sving rundt finalen.

Sogndal vgs fløymer over av idrettstalent. Toppidrett langrenn fekk i helga ein gullvinnar i stafett NM-junior. Gratulasjonar til Hallvard Sørheim Evjestad som gjekk Sogn og Fjordane-laget opp i tetposisjon på 3. etappe. Ein plass laget heldt heilt inn til mål også på 4. etappe - der ikkje ukjende Johannes Thingnes Bøe frå Stryn var ankermann.

Onsdag 13/2 kunne ein lese i Sogn Avis om ungdomsbedrifta Fosshaugane Bilservice UB som hjalp Bratt Moro med å halde liv i en av bilane deira, eitt av mange suksessrike oppdrag!
Mandag 18/2 kunne ein lese om iVitrum UB si innovative satsing på webhotell. Første kunden til bedrifta; Fosshaugane Bilservice UB, viser at det er ein suksess å satse på nettsider for ungdomsbedrifter!

Idrettselev Sarah Fiskaa Haugen vart blant einarane på jentesida i NM-Telemark for juniorar denne helga. Sarah tok 1 gull og 1 bronse . NM gjekk på heimebana på Heggmyrane. Sogndal vgs gratulerer Sarah med den sterke innsatsen. På Idrettslinja har ho Telemark som toppidrettsval.

Gratulasjonar til jentelaget på Sogndal vgs som i dag vart fylkesmeistrar i fotball for vidaregåande skular. Sogndalslaget slo jentelaget til Flora vgs 3-0 i finalen. Både fotballjentene på Idrettslinja og øvrige Sogndal vgs bidrog til sigeren. Gutelaget til Sogndal vgs tapte 0-2 mot Flora vgs i finalen - eliteseriespelarane på Idrettslinja var ikkje med på Sogndal. SJÅ BILDE NESTE SIDE:

1 STA og 1 BAB har no fått velfortent heider som dei mestlesande klassane på ST/ID og YF i tida frå oktober til jul.. Premen vart som vanleg mange godord frå rektor og bilbliotekar - meir kunnskap - og pizza-time ! I snitt las mestlesande klasse 1 STA 5,64 bøker for kvar elev.

I dag klokka 9. 30 startar sluttspelet i fotballturneringa for vgs-skulane i fylket 2012/13 i Storhallen. 10 lag frå 7 skular har kvalifisert seg til sluttspelet etter innleiande rundar før jul.Sogndal vgs har sluttspel-lag både i gute - og jenteklassen. KAMPOPPSETT NESTE SIDE :

Volleyballturneringa onsdag vart veldig godt avvikla av 3 IDB - som ein del av faget Leiing. Rundt 150 kampar rulla og gjekk i Idrettshallen heilt etter tidsplanen frå 08.00 om morgonen - det er imponerande ! I finalane kl. 15.00 stod tilslutt laga "Kvigene" i 3 IDA og "Veggen" i 3 IDA att som vinnarar - etter sigrar over 2 IDB og 2 IDA. Turneringsleiar Vårin Ness var godt nøgd med innsatsen til alle klassane - og avviklinga av turneringa i regi av 3 IDB.