Generell informasjon Vg1 Service og samferdsel:
Næringslivet og forbrukarane stiller stadig aukande krav til effektiv, sikker og miljøvennleg flytting av menneske og leveranse av varer og tenester. Opplæringa Service og samferdsel skal bidra til uvikling av kompetanse som støtter desse krava, til beste for næringslivet, forbrukarane og samfunnet.
I opplæringa skal elevane møte fleire av krava som vert stilte til profesjonell yrkesutøving på eit grunnleggjande nivå. Opplæringa skal bidra til å utvikle ferdigheiter i bruk av analyseteknikkar for å foreta avgjerder ved bedriftsetablering, og ved utøving av arbeidsfunksjonar i eksisterande verksemder. Opplæringa skal legge til rette for samarbeid, sjølvstendig arbeid og praktisk bruk av kunnskap. Opplæringa skal legge grunnlag for entreprenørskap.
Fellesfag (12 timar/veke)
Norsk 2 timar/veke
Engelsk 3 timar/veke
Matematikk 3 timar/veke
Naturfag 2 timar/veke
Kroppsøving 2 timar/veke
|
Felles programfag - 17 timar/veke
Planlegging
Drift og oppfølging
Kommunikasjon og service
Prosjekt til fordjuping - 6 timar/veke
|
Planlegging dreier seg om å utarbeide og vurdere viktige beslutningsgrunnlag for etablering og utvikling av små verksemder, produkt og tenester. Programfaget handlar om å bruke teknikkar og hjelpemiddel frå fagområda økonomi og marknadsføring, og å bruke informasjonsteknologi.
Drift og oppfølging dreier seg om sentrale administrative arbeidsprosessar. Programfaget handlar om å følgje opp ressursbruken i verksemder, og vurdere og sikre kvalitet på arbeidsprosessar. Programfaget dekker også logistikkfunksjonen i ei verksemd.
Kommunikasjon og service dreier seg om samspelet mellom kunde og seljar, og korleis språk, kulturell identitet og verdigrunnlag hos den enkelte påverkar dette. Her inngår teoriar og modellar innan etikk, kundebehandling, motivasjon og behovsanalyse.
Prosjekt til fordjuping skal gi moglegheit til fordjuping i ønska lærefag eller moglegheit for breiare kompetanse innanfor valt utdanningsprogram på VG1 og valt programområde på VG2
Vegen vidare:
Vg1 Service og samferdsel gir grunnlag for å søkje seg inn på Vg2 i programområda
Sal, service og tryggleik Tilbod ved Flora vgs
IKT-servicefag Tilbod ved Flora vgs
Reiseliv
Transport og logistikk
