"..felles basis for mange yrke med arbeidsplassar i store og små industribedrifter, på skip, i installasjonar for produksjon av olje og gass, i store og små verkstader og på alle typar kjøretøy og anleggsmaskiner.."


Programfaget teknikk og industriell produksjon er felles basis for mange yrke med arbeidsplassar i store og små industribedrifter, på skip, i installasjonar for produksjon av olje og gass, i store og små verkstader og på alle typar kjøretøy og anleggsmaskiner. Gjennom ei praktisk, variert og teknisk grunnopplæring får den einskilde ein brei plattform for vidare yrkesval med omsyn til både fag, type arbeidsplass og arbeidsmiljø.
Generell informasjon Vg1 Teknikk og industriell produksjon:
Opplæringa skal gi grunnleggjande og enkel trening i alle deler av ein produksjonsprosess og hjelpe til fagleg innsikt, refleksjon og kritisk vurderingsevne. Forståing av tryggleik og kjennskap til nasjonale og internasjonale standardar og retningslinjer er ein del av faget. Allereie på Vg1 møter den einskilde fleire av krava som blir stilt til profesjonell yrkesutøving, men på eit grunnleggjande nivå der krav til kunnskapar, dugleik, holdningar og sjølvstende er tilpassa den einskilde sine interesser og behov.
Fag- og timefordeling:
Fellesfag (12 timar/veke)

* Norsk 2 timar/veke
* Engelsk 3 timar/veke
* Matematikk 3 timar/veke
* Naturfag 2 timar/veke
* Kroppsøving 2 timar/veke

Felles programfag (17 timar/veke)

* Produksjon og tekniske tenester
* Dokumentasjonsarbeid
* Industri, verkstad og maritime arbeidsplassar
* Prosjekt til fordjuping 6 timar/veke

Produksjon og tekniske tenester
Hovudområdet produksjon og tekniske tenester dekkjer sentrale dugleikar og kunnskapar knytt til planlegging av arbeidet, bruk av verktøy og måleinstrument, overvaking og drifting av manuelle og automatiserte prosessar, materialkunnskap og dokumentasjon. Integrert i all arbeidsutføring er tryggleik, kvalitet og internkontroll.
Dokumentasjonsarbeid
Hovudområdet dokumentasjonsarbeid omfattar teikningar, skjema, prosedyrar og standardar. Samtaler inngår som ein viktig del av dokumentasjonsarbeidet for å sikre felles forståing av krav til arbeidsoppgåvene og vurdering av resultata. Arbeid innanfor kvalitetssystem inneber også registrering og avviksrapportering.


Industri, verkstad og maritime arbeidsplassar
Hovudområdet industri, verkstad og tekniske tenester omfattar kjennskap til dei ulike yrka og arbeidsmiljøa sine særpreg. Yrka set ulike krav til tekniske dugleikar, abstrakt tenking, kundekontakt, nøyaktigheit, sjølvstende, samarbeidsevne, språkkompetanse og fysikk.

Prosjekt til fordjuping 6 timar/veke
Prosjekt til fordjuping skal gi moglegheit til fordjuping i ønska lærefag eller moglegheit for breiare kompetanse innanfor valt utdanningsprogram på VG1 og valt programområde på VG2
Vegen vidare:
Vg1 teknikk og industriell produksjon gir grunnlag for å søkje Vg2 i programområda Industriteknikk, Industritekstil og design, Kjemiprosess, Kjøretøy, Laboratorieteknikk, Mekatronikk eller Skipsteknikk