PROGRAM
DE HEIBERGSKE SAMLINGER – SOGN FOLKEMUSEUM
VINTEREN 2009-10


NOVEMBER
17. Skuledag: Kom, skal vi klyppa sauen i dag (for grunnskulen)
18. Skuledag: Kom, skal vi klyppa sauen i dag (for grunnskulen)
18. Handarbeidskafé: Handlin, vevlingar eller pulsvantar i lokal folkedrakttradisjon. Samarbeid med Sogn Bunadnettverk (kveld)
19. Skuledag: Kom, skal vi klyppa sauen i dag (for grunnskulen)

DESEMBER
8. Skuledag: Jul, tru og tradisjon (for grunnskulen og vidaregåande skule)
9. Skuledag: Jul, tru og tradisjon (for grunnskulen og vidaregåande skule)
9. Førjulskveld: Fjøsnisse, kanefart, julegraut og julehandel (kl. 15-19)
10. Skuledag: Jul, tru og tradisjon (for grunnskulen og vidaregåande skule)
11. Skuledag: Jul, tru og tradisjon (for grunnskulen og vidaregåande skule)
14. Skuledag: Jul, tru og tradisjon (for grunnskulen og vidaregåande skule)
14. Førjulskveld: Fjøsnisse, kanefart, julegraut og julehandel (kl. 15-19)
16. Skuledag: Jul, tru og tradisjon (for grunnskulen og vidaregåande skule)
16. Førjulskveld: Fjøsnisse, kanefart, julegraut og julehandel (kl. 15-19)

JANUAR
26. Skuledag: Kunst og handverk. Material og mønster, form og funksjon på aktuelle gjenstandar i samlingane (for mellomsteget, ungdomsskulen og vidaregåande skule)
27. Skuledag: Kunst og handverk. Material og mønster, form og funksjon på aktuelle gjenstandar i samlingane (for mellomsteget, ungdomsskulen og vidaregåande skule)
28. Skuledag: Kunst og handverk. Material og mønster, form og funksjon på aktuelle gjenstandar i samlingane (for mellomsteget, ungdomsskulen og vidaregåande skule)

FEBRUAR
3. Handarbeidskafé: Mannsbunaden for Sogn. Samarbeid Sogndal Husflidslag (kveld)
16. Gammaldags skuledag i omgangsskulen og skulestova (for grunnskulen)
17. Gammaldags skuledag i omgangsskulen og skulestova (for grunnskulen)
18. Gammaldags skuledag i omgangsskulen og skulestova (for grunnskulen)

MARS
3. ”No set me oss og drøser –” Visegruppa frå Sogndal – Olav Aaraas, Lars Amundsen, Judith Vestreim og Sverre Volle – med gjester (kveld)
7. Vinterdag med internasjonale sogningar. Kultur og mat ved sogningar frå nære og fjerne himmelstrøk.
9. Skuledag: Heimen – fornuft eller følelsar? Heimeinnreiing, trendar og val, forbruk og gjenbruk (for ungdomsskulen og vidaregåande skule)
10. Skuledag: Heimen – fornuft eller følelsar? Heimeinnreiing, trendar og val, forbruk og gjenbruk (for ungdomsskulen og vidaregåande skule)
11. Skuledag: Heimen – fornuft eller følelsar? Heimeinnreiing, trendar og val, forbruk og gjenbruk (for ungdomsskulen og vidaregåande skule)
17. Handarbeidskafé: Applikasjon – ein tradisjon i Sogn. Ved Bjørg Hovland. Samarbeid med Sogn Bunadnettverk (kveld)

APRIL
27. Skuledag: Levd liv. Ei soge om sogningane, sett gjennom museumssamlingane og boka Levd liv (for mellomsteget, ungdomsskulen og vidaregåande skule)
28. Skuledag: Levd liv. Ei soge om sogningane, sett gjennom museumssamlingane og boka Levd liv (for mellomsteget, ungdomsskulen og vidaregåande skule)
29. Skuledag: Levd liv. Ei soge om sogningane, sett gjennom museumssamlingane og boka Levd liv (for mellomsteget, ungdomsskulen og vidaregåande skule)




SKULETILBOD
Med utgangspunkt i læreplanen byr museet på mange pedagogiske opplegg til skulane. Vi har eitt hovudtilbod på visse dagar kvar månad. Kontakt oss om desse dagane ikkje passar, så prøver vi å finna andre dagar. Ta også kontakt om de ynskjer andre opplegg enn dei annonserte, så prøver vi å skreddarsy opplegg, så langt råd er. Alle tilboda våre til skular og barnehagar er gratis.

KOM, SKAL VI KLYPPA SAUEN I DAG (november): Her får elevane sjå korleis vi klypper sauen på gammaldags vis, og dei får sjølve prøva å karda ulla og spinna på handtein. Kanskje blir det også tid til å spøta og bøta, og til å syngja og fortelja om ulla. For grunnskulen.

JUL, TRU OG TRADISJON (desember): I den gamle stova høyrer vi om arbeid, skikkar og andre førebuingar til jul, og i skulestova skriv vi julekort med penn og blekk. I kafeen et vi julegraut og leitar etter mandelen, og i kyrkjerommet les vi juleevangeliet og syng dei gamle julesongane. Vi lærer om symbolikken i julepynten, og vi leikar dei tradisjonsrike juleleikane rundt treet. På museet kan alle finna att den gode, gammaldagse julestemninga! Julegrauten kostar kr. 40.- pr. porsjon. For grunnskulen (helst frå 2. klasse) og vidaregåande skule.

KUNST OG HANDVERK (januar): Vi ser i dette opplegget nærare på eit utval gjenstandar frå samlingane og drøfter form og funksjon, material, mønster og symbolbruk. Gjenstandane spenner frå enkle jordbruksreiskapar til vakker kyrkjekunst, frå magiske mønster til møblar og klede. Elevane får også sjølve høve til å laga sin eigen smørkniv og dekorera han. For mellomsteget, ungdomsskulen og vidaregåande skule.

GAMMALDAGS SKULEDAG (februar): Korleis var skulen i gamle dagar? I den eldgamle omgangsskulen møter elevane sjølvaste Lars Skulemeister, og i skulestova frå tidleg på 1900-talet blir det både bibelsoge, song og skriving med den strenge, men rettferdige Anna Skulemor. Elevane kler seg i enkle, tidsrette kostyme og går inn i rollar som gjev innleving og kunnskap om den gamle skulen. For grunnskulen.

HEIMEN – FORNUFT ELLER FØLELSAR? (mars) Korleis bur vi? Og kvifor har vi det som vi har det i heimane våre? Skuleopplegget tek utgangspunkt i utstillinga med same namn og set fokus på heimeinnreiing, val og moglegheiter, forbruk og gjenbruk. Målet vårt er å inspirera elevane til å tenkja over eigne val og prioriteringar. For ungdomsskulen og vidaregåande skule.

LEVD LIV (april): Korleis har sogningane levt, frå dei eldste tider og fram til våre dagar? Kva har vi levt av, og korleis har vi budd? Kva hadde forfedrane av reiskap og våpen, og korleis laga formødrene mat og klede? Korleis var det å vera barn, og kva trudde dei på? Med utgangspunkt i hus og gjenstandar på museet og boka Levd liv går vi med sjumilssteg gjennom vår eiga fortid og prøver å leva oss inn i soga om sogningane. For mellomsteget, ungdomsskulen og vidaregåande skule.

PÅMELDING TIL SKULEDAGANE
må skje seinast ei veke på førehand. Ver tidleg ute: Fyrstemann til mølla får fyrst mala!



MUSEUMSBUTIKKEN
- bruksting og særprega gåver
- spennande historiske kopiar av keramikk og krustøy, tekstilar og glas
- gammaldagse leiker og spel
- lokale handverksprodukt
Opningstider:
Måndag – fredag kl.10-15
9. 14. og 16.desember kl.10-19.

FØRJULSKVELDAR PÅ MUSEET
9., 14. OG 16. DESEMBER KL 15-19:
- Kanefart med Blakka
- Fjøsnisse og julemystikk i Indre Sogn-tunet
- Julegraut, kaffi og kaker i kafeen
- Julehandel i museumsbutikken og hjå lokale handverkarar


BOKA LEVD LIV
fortel soga om sogningane frå steinalderen til i dag. Korleis levde vi, og kva levde vi av? Kva arbeidde vi med, og kva trudde vi på? Gjennom ord og bilete skildrar boka hus og gjenstandar på De Heibergske Samlinger – Sogn Folkemuseum og dei kulturhistoriske samanhengane dei høyrde heime i. De Heibergske Samlinger – Sogn Folkemuseum fylte 100 år i 2009, og soga om museet er skildra i siste delen av boka.
Boka gjev nyttig bakgrunnskunnskap til eit kvart museumsbesøk. Ikkje minst til føre- og etterarbeid til fleire av skuleopplegga vil ho vera til stor nytte.
Boka kan kjøpast både i bokhandelen og gjennom museet. Vi gjev rabatt ved kjøp av klassesett.

SEMINAR: DET ER MEIR MELLOM HIMMEL OG JORD -
Museet planlegg å arrangera eit seminar om folketru, magi og andre uforklarlege fenomen i løpet av våren. På museet har vi mange spennande gjenstandar knytte til dette emnet, og den dagsaktuelle debatten syner at det stadig ser ut til å vera meir mellom himmel og jord enn vi kan forklara. Seminaret blir truleg halde i april – mai. Vi kjem attende med nærare informasjon om tidspunkt, innhald og innleiarar.


WWW.DHS.MUSEUM.NO
På heimesida vår får du vita det meste om museet. Du kan søka etter gjenstandar, foto eller bøker i museet sine samlingar. Her er også lenker til andre aktuelle nettstader. Internett gjev deg eit nytt og betre museumstilbod!

BLI TINGAR AV ÅRBOK FOR SOGN!
Vanleg abonnement kr. 200.-, familieabonnement kr. 250.-
Som tingar får du/de:
- Årbok for Sogn, fritt tilsendt
- gratis inngang på museet heile året (for éin person med vanleg abonnement, for heile familien med familieabonnement)
- 50% rabatt på nedfrysing av gjenstandar mot utøy

FRYSING AV GJENSTANDAR
Museet tek imot møblar og gjenstandar til nedfrysing mot utøy. Prisane varierer etter storleik og mengd gjenstandar. Tingarar av årbok for Sogn får halv pris.

OPNINGSTIDER:
Måndag - fredag kl.10.00 – 15.00. Utanom dette er museet ope i samband med annonserte tilbod og arrangement.

FRI INNGANG på museet i vinterhalvåret. Til spesielle arrangement blir det annonsert eigne billettprisar.

De Heibergske Samlinger – Sogn Folkemuseum
Vestreim, 6854 Kaupanger
Tlf. 57 67 82 06
Faks 57 67 85 11
E-post: sogn.folkemuseum@dhs.museum.no
Heimeside: www.dhs.museum.no